GALURA- Bupati Bandung Dadang Supriatna, ngaresmikeun Rumah Sakit Umum Daerah (RSUD) Bedas Cimaung Kabupaten Bandung, Salasa (14/3/23) sore.
Ceuk Dadang, RSUD Bedas Cimaung kakara rengse dibangun 2022 katompernakeun.
Kakara diresmikeun ayeuna, sabada sagala rupana nyumponan, kaasup kalengkepan alat kesehatan (alkes).
Baca Juga: UMKM Kampung Boneka Desa Sayati Jadi Andelan Fornas VII di Kabupaten Bandung
Ceuk Dadang, sanggeus ngaresmikeun RSUD Bedas Cimaung, satuluyna baris ngaresmikeun RSUD Bedas Kertasari, 28 Maret hareup.I
Inyana miharep RSUD Bedas Cimaung bisa karasa mangfaatna ku masarakat Cimaung jeung Pangalengan.
"Pangladèn kesehatan tèh hak warga masarakat, pamarèntah miboga kawajiban ngayakeun rumah sakit," ceuk Bupati.