Network
GALURA -Situ Wangi nu pernah di Desa Winduraja, Kecamatan Kawali, Kabupaten Ciamis, Jawa Barat saenyana situ alam, lain meunang nyieun anyar-anyar. Kamari ieu ku Provinsi Jawa Barat direvititalisasi tepi ka jadi destinasi wisata anyar di Ciamis Kaler.
Unggal poe Ahad jeung poe pere lainna rea nu ngadon piknik di Situ Wangi, umumna ari Ahad isuk-isuk mah bari olahraga. Loba oge nu ngadon family gatering, balakecrakan di sisi situ. "Ciamis kaler ayeuna mah gaduh destinasi wisata nu matak mincut," ceuk saurang warga.
Di Situ Wangi disayagikeun track keur olahraga atawa jalan-jalan jeung keur sesepedahan. Sapanjang sisi situ. Aya sababaraha gazebo, saung, malah munara keur nyawang pamandangan. Kuliner has Ciamis kaler oge nyampak. Nu matak Situ Wangi ayeuna jadi destinasi wisata di Ciamis Kaler.
Baca Juga: Kabupaten Ciamis Jadi Kabupaten Galuh, Ngarobah Kabijakan Adipati Sastrawinata
Situ Wangi dikokolakeun ku Pokdarwis Desa Winduraja. Tacan dipulut karcis, lantaran tacan aya MoU antara pamarentah Kabupaten Ciamis jeung pamarentah Provinsi Jawa Barat, lebah deui Dinas PSDA.***
