GALURA- Pesantren Tahfizh Fithrah Insani Jalan Cigondok, Desa Pasirhuni, Kecamatan Cimaung, Kabupaten Bandung, ngagelar upacara bendera, Senen (27/2/2023).
Ceuk Mudir Pasantren Tahfizh Fithrah Insani Devi Nur Muhamad Siddiq, satadina upacara ieu rèk dihadiran ku Bupati jeung Kapolresta Bandung, ngan ku lantaran aya kagiatan sèjèn antukna diwakilan ku Kapolsek Cimaung Iptu Yoni Agustina.
Kapolsek Cimaung nepikeun talatah Kapolresta Bandung keur sakumna siswa sangkan wijak dina ngagunakeun mèdia sosial.
Baca Juga: Ngaluuhan Milad Ka-23 Ponpes Wahdatut Tauhid, Bupati Bandung Ngawujudkeun Program Besti
Dina eta talatah, singlar tawuran, jauhan narkoba, tur ulah kalibet geng motor, lantaran siswa tèh aset bangsa.
Nurutkeun Kepala Sekolah Tahfizh Fithrah Insani Sugih Royaman, upacara ayeuna dihadiran Banbinsa, babinkamtibmas.
Sajaba eta, sakumna dewan guru katut siswa boh SMPIT Fitrah Insani Boarding School boh siswa ti SMA Fitrah Insani Biliingual Boarding Islamic School.
Petugas upacara, ceuk Sugih ngarupakeun binaan tina ekskul Paskibra nu dibina ku Ustad Lukman Ramadhan, kalawan. Pemimpin upacara Ananda Andhika.