Network
GALURA -Kepala DLH Kabupaten Bandung Asep Kusumah nyebutkeun dina lebah jumlah armada nu ngangkut runtah di Kabupaten Bandung taya pasualan.
DLH Kabupaten Bandung mibanda armada nu ngangkut runtah jumlahna kawilang cukup. "Ti APBD taun kamari Kabupaten Bandung nambahan dua armada,” ceuk Asep Kusumah, Salasa (17/01/23)..
Jadi danget ayeuna, ceuk Asep Kusumah, DLH Kabupaten Bandung boga 104 unit armada paranti ngakut runtah.
Baca Juga: H. Uya Mulyana: Anggota Dewan Ngawadahan Aspirasi Warga Ulah Kapahung ku Widang Komisi
Nu jadi pasualan dina ngakut runtah téh, ceuk Asep, aya dina inflrastuktur Tempat Pembuangan Akhir (TPA) di Sarimukti Bandung Barat.
"Nya nu jadi masalah mah di TPA. Nya ku lobana nu miceun runtah jadi macet, " ceuk Asep.
Komisi C DPRD Kabupaten Bandung nuding mesin nu ngolah runtah henteu efektif. Ceuk Komisi C, dina sajam mesinna ukur bisa musnahkeun runtah saton.
Ari Kabupaten Bandung sapoena ngahasilkeun runtah kana 1.268 ton sapoé.
Baca Juga: Rembug Bedas di Kecamatan Margahayu Bupati Bandung Narima Bangbaluh Warga Dua Desa
