GALURA -Rumah Sakit Umum Daerah (RSUD) Cideres Majalengka dina raraga ngaronjatkeun kualitas standarisasi dina ngahangkeutkeun pangladen ka masarakat di Kabupaten Majalengka disurvey keur kapentingan akreditasi.
Bupati Majalengka, Dr. H. Karna Sobahi, M.MPd., nyebutkeun survey akreditasi teh udaganana ngaronjatkeun pangladen RSUD Cideres nu geus jadi rumah sakit daerah rujukan.
“Ku kituna simkuring meredih ka sakumna pejabat struktural, fungsional, supados mertahankeun esensi akreditasi, ngutamakeun pangladen kudu jadi standar,” ceuk Bupati Majalengka, nalika dikinformasi di RSUD Cideres, Jumaah (27/01/2023).
Baca Juga: Bohong Culik di Kuningan, Dhany : Masyarakat Ulah Waka Percaya Beja Nu Tacan Tangtu
Bupati Majalengka nyebutkeun tina survey akreditasi bisa dipikanyaho kumaha pangladen di RSUD Cideres nu geus dijalankeun sarta kumaha pikeun ngaronjatkeunana.
“Warga meredih RSUD Cideres janten langku hade, kondisina oge langkung hade, dokter, perawatna someah, patempatanana merenah katut tempatna berseka,” ceuk Bupati Majalengke.
Ngabageakeun tim survey akreditasi, RSUD Cideres Majalengka ngagelar simulasi ngungkulan ka korban serangan jantung ngadadak.
Simulasi ngungkulan serangan jantung, ngahaja di hareupeun Bupati Majalengka katut rombongan nalika rek ngajugjug ka rohang pengujian survey akreditasi di lante 3.
Baca Juga: Masarakat Jatinangor Padet, Ateng : Tingtrim Alatan Aparat Surti Kana Potensi Masarakat
Sakur nu aya tempat simulasi ujug-ujug bangreng lantaran teu nyahoeun eta teh ukur simulasi. Tambah deui aya nu ngagorowok ti tukang nitah nyokot cai haneut.
Teu sabaraha lilana sakumna patugas kasehatan lalumpatan, muru ka pamuda nu keuna serangan jantung. Eta pamuda dibere oksigen, dicek denyut nadina.
Diungkabkeun Bupati Majalengka eta simulasi pikeun nembongkeun ka tim surveyor akreditasi RSUD Cideres getapanana patugas kasehatan.
Nalika aya kajadian nu luarbiasa saperti aya nu keuna serangan jantung ngadadak, langsung ditulungan sarta SOP pelayananna, penanganan dilaksanakeun ku RSUD Cideres.
“Simkuring oge reuwas dikinten tadi leres aya jalmi nu ngadadak keuna serangan jantung,” ceuk Bupati Majalengka.
Direktur RSUD Cideres, dr. H. Harizal F. Harahap, M.M, nyebutkeun akreditasi kawilang penting dilaksanakeun pikeun dipikanyaho kumaha kualitas pelayanan rumah sakit.
" RSUD Cideres kiwari nyangking Rumah Sakit Type B, kukituna kedah masihan pelayanan nu langkung optimal ka masarakat,” pokna.
Survey akreditasi, pokna deui pikeun ngomean jeung ngabebenh manajemen RSUD Cideres.
“Utamina dina masihan pelayanan langkung hade ka masarakat sareng supados RSUD Cideres janten langkung panghadena kalayan nyangking predikat Paripurna," ceuk Direktur RSUD Cideres.***