Network
GALURA -Ketua Umum Dewan Pengurus Cabang Asosiasi Pemerintah Desa Seluruh Indonesia (DPC APDESI) Kabupaten Ciamis, H. Yoyo Wahyono nyebutkeun APDESI mecut sangkan kepala desa rancage keur ngamajukeun desa jeung keur ngaronjatkeun karaharjaan masarakat.
“APDESI cumeluk sangkan kepala desa rancage teh sangkan sajalan jeung Visi Misi Kabupaten Ciamis: Mantapnya Kemandirian Ekonomi Sejahtera untuk Semua,” ceuk H.Yoyo.
H.Yoyo nyarita kitu teh dina Rapat Kerja Cabang (Rakercab) II DPC APDESI Kabupaten Ciamis entragan taun 2020-2025 di Aula Hotel Tyara Plaza Ciamis. Kemis (26/01/23).
Jejer Rakercab II DPC APDESI Kabupaten Ciamis: Membangun Semangat Sinergitas, Mewujudkan Desa Mandiri Sejahtera untuk Bersama.
“Taun 2022 kamari, Kabupaten Ciamis ku Kemendes digolongkeun kana status kabupaten nu mekar, maju jeung mandiri,” ceuk H. Yoyo.
Baca Juga: Kepala Disnakan Kabupaten Ciamis, Ngurus Ingon-Ingon Ngurus Lauk jeung Ngurus Umat
H. Yoyo nyebutkeun di Kabupaten Ciamis ti taun 2020 taya deui status desa tertinggal.
Status desa mandiri di Kabupaten Ciamis jumlahna terus ngaronjat. Dina taun 2021, desa mandiri aya 45 desa; di taun 2022 jadi 116 desa.
H. Yoyo nyebutkeun beuki lobana desa di Kabupaten Ciamis nu statusna desa mandiri, hasil tina karancagean kepala desa, sarta rojongan ti masarakat. “Tangtos wae dideudeul ku pamarentah Kabupaten Ciamis.***
