Network
GALURA.CO.ID -Dinas Pendidikan (Disdik) Kabupaten Bandung dileler pangajèn ti Kemendikbudristek dina peningkatan skor indeks pencapaian Standar Pelayanan Minimal (SPM) Pendidikan taun 2024.
Ieu pangajèn dipasrahkeun dina Festival Pendidikan Jawa Barat di Sasana Budaya Ganesha, Kota Bandung, Rebo, 29 Mei 2024.
Sekretaris Disdik Kabupatten Bandung, Hj.Euis Sumiati, M.Pd nu ngaluuhan Festival Pendidikan nu dilaksanakeun rukun gawè Unit Pelayanani Teknis (UPT) Mendikbudristek Disdik Jabar jeung 27 kabupaten kota di Jabar.
Hj. Euis nganuhunkeun kana kolaborasi sakum pihak tepi ka Disdik Kabupaten Bandung dileler ieu pangajèn. "Ku pangajen Skor Indeks Pencapaian SPM Pendidikan Taun 2024, Disdik Kabupaten Bandung noron kènhèng pangajèn nu sami ti Periode 2022-2024" pokna.
SPM tèh ceuk Euis katangtuan ngeunaan jenis jeung mutu panglayan dasar atikan nu kudu dipimilik saban warga secara minimal.
"Panglayan dasar teh bagèan ti palaksanaan urusan wajib pamarèntah daerah. Hal ieu ogè tos diatur dina Permendagri 59 taun 2021," pokna.
Kepala Balai Besar Penjaminan Mutu Pendidikan (BBPMP) Jabar nu ogè Koordinator UPT Mendikbudristek Jabar, Sri Wahyuningsih nètèlakeun, ngamajukeun pendidikan kudu sumangat pisan.
"Sumanget sasarengan kanggo kolaborasi, rampak gawe siswa, guru, kepala sakola, sareng pamarièntah supados pendidikan tiasa lajeng tur tiasa transformasi," ceuk Sri Wahyuningsih.
Festival Pendidikan Jawa Barat, ceuk Sri Wahyuningsih pikeun nguatkeun ekosistem pendidikan jeung kebudayaan tur ngahudangkeun sumanget kolaborasi dina neruskeun gerakan Merdeka Belajar di Provinsi Jawa Barat.
