Network
Antropolog Belanda, Pleyte nguatkeun pamanggih urang Kanekes asalna ti Pajajaran: urang Kanekées tadina ti Pajajaran ti wewengkon Bogor kiwari. Buktina, di leuweung tutupan Kanekes aya patempatan nu dipupusti pisan nu disebut Arca Domas, sarta eu meunang diasupan ku urang luar.
Ngaran Arca Domas kapanggih di Cikopotengah, di tutugan Gunung Pangrongo. Dianggap urut pamujaan urang Pajajaran.
Lian ti éta hal séjénna nu nguatkeunana, unggal taun urang Kanekes maneuh ngalaksanakeun acara séba: masrahkeun hasil tatanén atawa hasil bumi ka panguasa di Sérang Banten. Jaman Kolonial Belanda, seba ogé ditujukeun ka Residén Banten, sanggeus merdéka ukur ka Lebak.
Séba, ku urang luar dihartikeun upeti, anu biasa dilaksanakeun jaman karajaan, tanda talukna hiji wewengkon ka hiji panguasa. Kabiasan jaman Pajajaran diteruskeun, najan tempat dumukna béda jeung panguasana geus ganti.***
