Network
GALURA.CO.ID -Ratusan pasangan suami istri (pasutri) sakabupaten Bandung aub dina Gebyar Isbat Nikah Terpadu taun 2023, nu dipuseurkeun di Gedung Moh. Toha Soreang, Juma'ah, 1 Desember 2023.
Isbat nikah di Gedung M Toha Aya 128 pasutri. Di tempat sèjènna, di Kecamatan Ibun 58 pasutri, di Kecamatan Banjaran 58 pasutri, jeung di Kecamatan Ciwidey 20 pasutri.
Ieu kagiatan dingaranan Program Pelaminan Cantik atawa Pelayanan Pasca Isbat Nikah ti Dinas Kependudukan dan Catatan Sipil (Disdukcapil) Kabupaten Bandung, rukun gawè jeung Pengadilan Agama Kelas 1B Soreang katut Kantor Kementerian Agama.
Baca Juga: 4 Tahun PRMN, galura.co.id: Ekosistem PRMN Leuwih Hirup bari jeung Huripna
Pemkab Bandung, lebah dieu Disdukcapil nargètkeun sapanjang taun 2023 Program Pelaminan Cantik diiluan ku 1.000 pasutri. Tepi ka danget ayeuna karèk 400 pasutri nu geus milu istbat nikah.
Bupati Bandung Dadang Supriatna nyebutkeun ieu kagiatan teh tarèkah dina nyadiakeun kapastian hukum. Pasutri nu tadina tacan boga surat nikah nu dikaluarkeun ku Kemenag jadi boga surat nikah. Hartina status perkawinanana kacatet dina pencatatan nikah di Kemenag.
"Hiji kulawarga nu status perkawinanana teu dicatet (di Kemenag) kacida teu dipiharep," ceuk Dadang Supruatna.*** Sopandi
