Network
GALURA.CO.ID -Ketua DPRD Kabupaten Bandung, Sugianto, miharep Pemilu 2024 lumangsung lungsur-langsar jeung ngajasilkeun pamingpin nu alus. "Dipiharep ku kualitas Pemilu alus mampu ngagumelarkeun pamingpin nu hadè,” pokna. SE
Kituna tèh ditepikeun Sugianto basa ngaluuhan Rapat Evaluasi Kinerja Badan Adhoc Pemilu 2024. nu digelar Komisi Pemilihan Umum (KPU) Kabupaten Bandung di Sutan Raja Hotel Soreang, Rebo, 28 November 2023.
“Salaku unsur pamarètahan Kabupaten Bandung, ku pesta demokrasi Pilpres sareng Pilkada taun 2024, simkiring teu welèh nyurung Kabupaten Bandung tetep kondusif aman sareng tingtrim,” ceuk Sugianto.
Baca Juga: Mintonkeun Arbapuspa dina Bubuka Binojakrama Padalangan, Asep Sandi: Ngawayang tèh kudu Masagi
Dina eta kasempatan Sugianto miharep sangkan sangkumna Badan Adhoc Pemilu ngajalankeun tugasna sahadè-hadèna..
Ceuk Sugianto, najan DPRD Kabupaten Bandung aya di ruang lingkup ngarencanakeun anggaran jeung ngabahas anggaran keur Pemilu 2024 jeung Pilkada 2024, tapi teu dipisahkeun tina kagiatan Pilpres jeung Pileg.
Evaluasi Kinerja Badan Adhoc Pemilu 2024 ngahadirkeun narasumber Ketua KPU Jawa Barat, Yuni Wahyuni jeung para ketua jeung anggota PPK, Ketua katut anggota PPS. *** Sopandi
