Network
GALURA.CO.ID -PT Geo Dipa Energi (Persero) Unit Patuha ngayakeun acara paresmian masang listrik gratis di Lembur Citiwu, Desa Panundaan, Kecamatan Ciwidey, Kabupaten Bandung, Salasa, 28 November 2023.
Pamasangan listrik gratis teh pamasangan instalasi sambungan listrik, ngeusi token munggaran, katut lampuna keur 47 umpi (KK) di Desa Panundaan Kecamatan Ciwidey jeung 45 umpi di Desa Tenjolaya, Kecamatan Pasirjambu.
Plt. General Manager PT Geo Dipa, Budi Santoso nètèlakeun, pamasangan listrik gratis teh salasahiji program Corporate Social Responsibility (CSR) PT Geo Dipa Energi nu maneuh dilaksanakeun saban taun, ti taun 2016. Tepi ka ayeuna geus masang listrik gratis di leuwih ti 1.400 umpi katut fasilitas umum.
Baca Juga: Dianggap Kurang efektif, Ngolah Runtah Palastik Rek Ngamangfaatkeun Tanaga Listrik
Ceuk Budi, minangka pausahaan di widang Pembangkit Listrik Tenaga Panas Bumi, Geo Dipa komitmen aub dina program pamarèntah Kabupaten Bandung, salasahijina dina program Bedas Caang.
Kepala Bagian Sumber Daya Alam Setda Kabupaten Bandung, Rusli Baijuri, nepikeun apresiasi ka Geo Dipa nu ngarojong program pamasangan sambungan listrik gratis.
Hal ieu luyu jeung Visi Kabupaten Bandung: Terwujudnya Masyarakat Kabupaten Bandung yang Bangkit, Edukatif, Dinamis, Agamis dan Sejahtera.
Ku spirit Bedas gawe bareng nu hadè boh ti masarakat boh pamarèntah desa, pangrojong kecamatan, komitmen kuat parèntah daerah tur sakumna pihak, program-program pikeun karaharjaan masyarakat bisa lumangsung luyu jeung nu dipiharep ku sarèrèa.*** Sopandi
