Network
GALURA-Bupati Ciamis jeung Wabup Ciamis, Herdiat Sunarya jeung Yana D Putra, salasahiji kepala daerah hasil Pilkada Serentak 2018. Dumasar UU nomer 10 taun 2016 kudu ngecagkeun kalungguhanana dina 2023 ayeuna.
Herdiat Sunarya jeung Yana D Putra dumasar kana SK Mendagri mah purnabakti tina kalungguhan Bupati Ciamis jeung Wabup Ciamis teh 5 September 2023. Kabupaten Ciamis satuluyna tepi ka dihasilkeun bupati jeung wakil bupati pinilih hasil Pilkada Serentak 2024, nu dilaksanakeun 27 November 2024.
Herdiat Sunarya jeung Yana D Putra diangkat jadi bupati jeung wakil bupati dumasar Keputusan Menteri Dalam Negeri Nomor:131-32-5872 Tahun 2018 Tentang Pengangkatan Bupati Ciamis Provinsi Jawa Barat dan Keputusan Menteri Dalam Negeri Nomor:132.32-5873 Tahun 2018, Tentang Pengangkatan Wakil Bupati Ciamis Provinsi Jawa Barat nu ditetepkeun di Jakarta, 5 September 2018.
Baca Juga: Awan Setiawan: Soal Plt Bupati Ciamis, DPRD Gumantung ka Pusat
Najan ditetepkeunana 5 September 2023, tapi Herdiat Sunarya jeung Yana D Putra karek diistrenan tanggal 20 April 2019, di Gedong Sate Bandung. Ti saprak di-SK-an ku Mendagri kana diistrenan kudu ngadagoan kurang leuwih 6 bulan.
Anu matak ayeuna mucunghul dua pamanggih iraha-rahana Herdiat Sunarya jeung Yana D Putra purnabakti. Mun nyekel UU nomer 10 taun 2016 purnabaktina teh taun 2023, dumasar titimangsa SK Mendagri, 5 September 2018.
Pamanggih sejenna: apan Herdiat Sunarya jeung Yana D Putra dilantikna 20 April 2019. Jadi masa baktina 2019 tepi ka 2024. Tina kituna purnabaktina teh ti mimiti tanggal 20 April 2024, lain 5 September 2023.
Pasualanana UU nomer 10 taun 2016 netelakeun kepala daerah hasil Pilkada Serentak 2018 ngecagkeun kalungguhanana taun 2023.
Baca Juga: Bupati jeung Wabup Ciamis Hasil Pilkada Serentak 2018 ti 5 September 2023 Maren, Saha Plt Bupati?
