GALURA –Bupati Ciamis, Herdiat Sunarya, jeung Wakil Bupati Ciamis, Yana D Putra nu dipilih dina Pilkada Serentak 2018, ti mimiti tanggal 5 September 2023 ngecagkeun kalungguhanana. Kabupaten Ciamis saterusna bakal dijabat ku Plt Bupati.
Herdiat Sunarya jeung Yana D Putra jadi Bupati Ciamis jeung Wakil Bupati Ciamis dina Pilkada Serentak 2018 nu digelar 27 Juni 2018 unggul tina pasangan Iing-Olih.
Herdiat Sunarya jeung Yana D Putra dilantik jadi Bupati Ciamis jeung Wakil Bupati Ciamis di Gedong Sate, 20 April 2019. Anu ngalantikna gubernur Jabar, Ridwan Kamil nu oge jadi gubernur hasil Pilkada Serentak 2018.
Baca Juga: Dr H Toto Marwoto, Sekda Manten Ciamis nu oge Dosen Unigal Nyaleg ti Partai Nasdem di Dapil I
Baca Juga: Ritual di Kabupaten Ciamis Ngandung Simbul Ajaran Islam, Islam Gumulung dina Budaya Sunda
Baca Juga: Galura Cetak IV Juli 2023, Kampung Iklim Ciparay Kabupaten Ciamis, Nohagaan Iklim Lokal
Diistrenana Herdiat Sunarya jeung Yana D. Putra dumasar Keputusan Menteri Dalam Negeri Nomor:131-32-5872 Tahun 2018 Tentang Pengangkatan Bupati Ciamis Provinsi Jawa Barat dan Keputusan Menteri Dalam Negeri Nomor:132.32-5873 Tahun 2018, Tentang Pengangkatan Wakil Bupati Ciamis Provinsi Jawa Barat nu ditetepkeun di Jakarta, 5 September 2018.
Ku maren tugasna Herdiat Sunarya jeung Yana D. Putra ngalantarankeun anu mupuhuan pamarentah Kabupaten Ciamis dijabat ku Plt Bupati. Tacan puguh saha nu bakal jadi Plt bupati Ciamis.
Plt bupati Ciamis ngalaksanakeun pancenna tepi ka aya bupati jeung wakil bupati definitive hasil Pilkada Serentak 2024 nu lumangsung poe Rebo, 27 November 2024.