GALURA - Anggota Komisi I DPR Fraksi PDI P Mayjen TNI (Purn) Tb Hasanuddin nyebutkeun tacan aya parentah jelas ti Presiden Jokowi (Joko Widodo) ngeunaan aubna TNI dina ngungkulan Kelompok ku tambah ngangasna (KKB) di Papua.
Teu jelasna sikep Presiden Jokowi dina sual KKB di Papua, Tb Hasanuddin meredih sangkan TNI teu disalahkeun ku beuki gangasna KKB Papua.
"Nepi ka kiwari tacan aya parentah nu jelas ti Presiden Jokowi salaku kepala negara jeung kepala pamarentahan pikeun ngungkulan KKB di Papua. Janten ulah dugi ngalepatkeun tentara, TNI," ceuk Tb Hasanuddin nalika dikonfirmasi, sababaraha waktu katukang.
Baca Juga: Putri Anjungsari (25), Pribumi nu Someah Hade ka Semah
Tb Hasanuddin ngungkabkeun, dina rapat dengar pendapat (RDP), Komisi I DPR RI katut TNI, sapuk dasar hukum operasi militer di Papua teu jelas. Kituna lantaran Presiden Jokowi tacan nangtukeun sikep kana sual KKB.
Ceuk Tb. Hasanuddin, ti dua taun ka tukang, aya iber peraturan presiden (perpres) bakal dikaluarkeun keur dasar hukum operasi ku TNI. Ngan nepi ka kiwari, perpres nu dimaksud tacan kaluar wae.
"Upami perpresna tos kaluar, tangtos TNI gaduh dasar hukum dina aub ngungkulan KKB," ceuk Tb Hasanuddin.
Salila perpresna tacan kaluar, sambung Tb Hasanuddin, hese nangtukeun operasina keur mareman KKB.
Baca Juga: Leuwi Asba Walungan CI Jolang, Kungsi Dipake Liliwatan Pasukan Siliwangi