Network
GALURA - Gubernur Jawa Barat Ridwan Kamil alias Kang Emil ngaku boga "follower" nu jumlahna jutaan di media sosial.
Jumlah follower Kang Emil lain saeutik, tapi nepi ka 30 jutana.
Eta hal teh ditepikeun Kang Emil basa mere katerangan ka media sabada sacara resmi asup ka Partai Golkar di Kantor DPP Golkar Jakarta, Rebo 18 Januari 2023 kamari.
Baca Juga: Kang Emil Asup Golkar, Erick Thohir Ngawilujengkeun, Ieu Conto Kamandang Netijen
"Follower sim kuring 30 juta," cek Kang Emil.
Nurutkeun Kang Emil, follower nu jumlahna puluhan juta teh bisa jadi modal manehna keur mantuan Golkar malar leuwih diambeuan deui ku masarakat.
"Sim kuring posting sadinten sakali atanapi dua dinten sakali ngeunaan Golkar, ayalah nu nyangked wae mah," pokna.
Baca Juga: Jumlah Guru Ngaji geus Nyumponan Jumlah Rombel Najan Aya nu Kudu Ngajar di Dua Kelas
Da jeung enyana, Galura nitenan, Kang Emil teh minangka gubernur nu kaasup getol jeung aktif ngayakeun intetaksi dina media sosial.
Media sosialna boh Instagran, Facebook, Twitter, TikTok, boh YouTube.
Diwuwuh ku prestasina salila jadi walikota jeung gubernur, ulah heran mun popularitas jeung elektabilitas Kang Emil kawilah moncorong.
Baca Juga: Soal Kang Emil Asup Golkar, Philips J Vermonte : Lengkah nu Merenah Tur Strategis keur Duanana
Lembaga survey oge apanan umumna nempatkeun Kang Emil di posisi nu hade, boh keur posisi calon presiden, boh wakil presiden.
Jumlah follower
Saenyana, sabaraha follower Kang Emil teh?
Sakumaha anu dicatet ku @katadatacoid, followerna di Instagram ngahontal 19,7 juta, Twitter 5,4 juta jeung FaceBook 3,8 juta.
Eta teh acan kaasup followerna di TikTok jeung YouTube nu oge jumlahna jutaan.
Catetan sejen, nurutkeun aplikasi ngukur enggagemen Instagram Planx, postingan Ridwan Kamil di Instagram rata-rata dipikaresep ku 126.615 urang, jeung narima komentar 2.163 urang follower.
Masalahna, naha postingan Ridwan Kamil soal pulitik engke bakal narik follower nu saenyana boga latar cukang pulitik nu beda?
Baca Juga: Dua Wisata Kuliner di Bogor, Nasi Sunda jeung Bebek Madura, Mewah tapi Murah, Merenah keur Kulawarga
Bawirasa, follower Kang Emil teh boa muguran sabada asup ka partey pulitik?
Waktu nu bakal ngajawabna.
Ngan ari Kang Emil mah kawasna yakin pisan yen follower jeung populeritas di media sosial teh bisa ngundakkeun rojongan ka Partai Golkar babakuna di Pulo Jawa, dina taun pulitik ayeuna nepi ka mangsa pemilu 2024 engke. ***
