Network
GALURA.CO.ID - Dina raraga ngagumebyarkeun Milangkala ka-78 Bhayangkara, Kapolres Majalengka, AKBP Indra Novianto, S.I.K., M.H., M.Si., CPHR, sacara resmi muka Turnamen Volly Ball Kapolres Cup anu ngaubtkeun sababaraha fungsi jeung polsek jajaran Polres Majalengka. Bubuka dilaksanakeun di Lapangan Apel Polres Majalengka Kemis, (20/06/2024).
Turnamen volly ball lain ngan saukur ajang kompetisi olahraga, tapi oge wujud ti sumanget sauyunan jeung sportivitas di antara anggota Polri.
AKBP Indra Novianto ngaapresiasi ka partisipasi ka sakumna pamilon tur neueulkeun pentingna ngajaga sabibilungan sarta sumanget kolektif dina satiap kagiatan.
Jejer HUT ka-78 Bhayangkara taun ayeuna: "Polri Presisi Mendukung Percepatan Transformasi Ekonomi yang Inklusif dan Berkelanjutan Menuju Indonesia Maju."
Ieu jejer ngagambarkeun komitmen Polri dina ngarojong transformasi ekonomi anu inklusif Jeung tuluy-tumuluy, sajalan jeung visi pamarentah: Indonesia nagara maju.
"Ieu turnamen sanes mung ajang kompetisi, tapi oge kangge sarana ngaraketkeun tali silaturahmi antawis anggota Polres Majalengka. Ngalangkungan olahraga, urang tiasa ngaronjatkeun kabugaran fisik sareng mental, sarta ngawangun rukun gawe anu solid," ceuk AKBP Indra Novianto.
Turnamen Volly Ball Kapolres Cup diiluan ku tim-tim ti sababaraha fungsi katut polsek jajaran Polres Majalengka. Satiap tim nembongkeun sumanget juang anu luhur jeung sportivitas dina satiap pertandingan.
Ieu acara oge dipiharep jadi agenda taunan anu tuluy mupuk sabeungkeutan jeung solidaritas di lingkungan Polres Majalengka.
Salian turnamen volly ball, runtuyan acara HUT ka-78 Bhayangkara di Polres Majalengka oge bakal dieusi ku sababaraha kagiatan sosial tur kamasyarakatan, kaasup bakti sosial jeung kagiatan edukatif lianna.*** Ayank R Sambara
