Network
GALURA.CO.ID -Pamarentah Kabupaten Majalengka dina raraga May Day (Hari Buruh, 1 Juni) ngagelar turnamen Sepak Bola Buruh Industri anu diiluan ku klub-klub pekerja di masing-masing pausahaan anu aya di Kabupaten Majalengka.
Anggota Koramil Kodim 0617/Majalengka jeung anggota Polsek Majalengka katut Satpol PP Kecamatan Majalengka nalingakeun jeung ngajaga kaamanan turnamen.
Turnamen tempatna di stadion Warung Jambu Kelurahan Majalengka Wetan, Kecamatan Majalengka, Kabupaten Majalengka, Ahad (26/5/2024).
Harita anu tanding teh PT SLI-A vs PT Diamond jeung PT SLI-B vs PT Nabati. Hasil pertandingan: PT SLI-A (4) vs PT Diamond (3) jeung PT SLI-B (2) vs PT Nabati (1).
Danramil 1701/Majalengka Kapten Cba Sidik cumeluk, ka pamaen, oficial, panongton sarta suporter sangkan bisa milu ngajaga kaamanan jeung katartiban pikeun kalancaran lumangsungna pertandingan kalayan nanjeurkeun sportivitas.
"Ku ayana turnamen sepak bola buruh industri dipiharep tiasa ngaraketkeun tali silaturahmi, supados tiasa komunikasi anu hade antawis sasama pemain pon kitu deui panongton," ceuk Danramil.*** Ayank R Sambara
