Network
GALURA.CO.ID - Dandim 0617/Majalengka Letkol Inf Dudy Pilianto, S.Pd., M.I.P., jeung Ketua Persit KCK Cabang XXXVIII Kodim Majalengka, Ny. Lollyta Dudy Pilianto masrahkeun jam komandan ka sakumna Prajurit, PNS jeung Persit Kodim Majalengka, tempatna di Graha Sindangkasih, Kelurahan Majalengka Wetan, Kecamatan Majalengka, Kabupaten Majalengka, Kemis (28/3/2024).
Jam komandan teh sarana komunikasi keur ngajalin silaturahmi jeung prajurit, PNS katut Persit. Sangkan kagiatan bisa jadi komunikasi dua arah, naon wae anu jadi arahan oge penekanan Dandim bisa diregepkeun ku pamilon jamdan.
Mitembeyan make jam komandanan, Letkol Inf Dudy Pilianto, S.Pd., M.I.P., ngawilujengkeun, ngalaksanakeun ibadah puasa Romadon 1445 H /2024 M, pikeun ngaronjatkeun kaimanan jeung kataqwaan. Mudah-mudahan sagala kahadean oge amal ibadah ditarima ku Allah SWT.
Dina kasempetan anu sarua, Ny. Lollyta Dudy Pilianto, nepikeun, faktor anu ngabalukarkeun kekerasan dina rumah tangga, faktor dominasi kakuasaan lalaki ka awewe (budaya patriarki permitif), diskriminasi oge pembatasan di widang ekonomi.
"Bentenna prinsip, campur tangan pihak katilu jeung kapribadian, pasualan kajiwaan, gangguan jiwa pamicu tina tindak KDRT," ceuk Lollyta.
"Sawatara dampak tina KDRT, diantawisna psikologi, hambatan hubungan sosial, gangguan fisik jeung kualitas hidup anu handap," ceuk Lollyta Dudy Pilianto.*** Ayank R Sambara
