GALURA.CO.ID- Sorè ieu, Saptu, 9 Maret 2024, Persib Bandung vs Persija Jakarta dina laga pekan ka 28 kompetisi Liga 1 musim 2023/2034 digelar di Stadion Si Jalak Harupat, Kabupaten Bandung.
Bitotamana "musuh bubuyutan" digelar teu aya panongtonna. Hal ieu ditètèlakeun Kapolresta Bandung Kombes Pol Kusworo Wibowo, dumasar Sidang Komisi Disiplin Nomor 191,tanggal 1 Maret 2024 nu dikuatkeun ku komisi banding dina 7 Maret 2024, diputuskeun teu meunang aya panongron.
Najan digelar tanpa panongton, ceuk Kapolersta, personil nu diturunkeun jang pangamanan pertandinagn Persib Bandung vs Persija Jakarta kurang leuwih 1.000 personil gabungan.
Mekanisme pengamanan nu dilakukan, kadua tim baris dikawal ketat ti mimiti hotel tepi ka lokasi pertandingan.
Kusworo meredih ka bobotoh sangkan nongton pertandingan di imah. "Nonton di bumi wè supados aman, " ceuk Kusworo dina keterangan pers di Mapolresta Bandung, Juma'ah, 8 Maret 2024.
Kapolresta cumeluk ka para suporter sangkan aub ngajaga sportivitas, hususna di Kabupaten Bandung jeung Kota Bandung, kumaha waè hasil tina pertandingan.
Ngantisipasi kamungkinan aya suporter nu maksa datang ka Stadion Si Jalak Harupat, ceuk Kusworo, panto gerbang, boh gerbang Utara, Tengah noh gerbang Kidul dijaga ketat ku personil jeung steward ti panitia pelaksana.
“Suporter nu datang ka Si Jalak Harupat, bakal dipiwarang mulih deui, kumargi moal tiasa lebet da gerbang tribunna ogè digembok,” tandes Kusworo.