GALURA.CO.ID -Komisi Pemilihan Umum (KPU) Kabupaten Majalengka mimiti nyortir jeung nilepan jutaan surat suara nu digunakeun di Pemilu 2024, lumangsung di Gedong Majalengka Creative Center (MCC), jeung Pujasera, Jalan KH Abdul Halim Majalengka, Salasa (9/1/2024).
KPU ngaubkeun warga ti kalangan difabel jeung penyandang disabilitas. Marilu nyortir jeung nilepan surat suara.
Diaubkeunana kalangan difabel minangka tarekah KPU Majalengka ngakomodir kapentingannana kalayan dipiharep partisipasi dina Pemilu 14 Februari 2024.
Baca Juga: Pj Bupati Majalengka Meredih ka KPU sangkan Kreatif keur Ngaronjatkeun Partisipasi Pemilu 2024
Pj Bupati Majalengka Dedi Supandi, nyebutkeun, surat suara di Majalengka nu di sortir jeung ditilepan jumlahna ampir 5.103.270 lambar.
Anu nyortir jeung nilepan surat suara jumlah sagemblengna 500 urang. Surat suara nu disortir jeung ditilepan keur DPRD Kabupaten Kota, DPRD Provinsi Jawa Barat Dapil XI, DPR RI Dapil IX, DPD RI, jeung surat suara Pemilu Presiden jeung Wakil Presiden (PPWP).
Wincikan jumlah surat suara nu disortir jeung ditilepan teh: Surat Suara DPRD Kabupaten/Kota: 1.020.654 lambar; Surat Suara DPRD Provinsi Jabar Dapil XI: 1.020.654 lambar; Surat Suara DPR RI Dapil IX: 1.020.654 lambar; Surat Suara DPD RI: 1.020.654 lambar, Surat Suara Pemilu Presiden jeung Wakil Presiden (PPWP): 1.021.654 lambar, sarta; 1 Dus PPWP keur PSU: 1000 lambar.
“Nyortir sareng nilepan surat suara lumngsung ti tabuh 8.00 WIB dugi ka tabuh 15.00 WIB. Simkuring ngaraos kagagas, margi nu ngalepitan surat suara aya nu ti disabilitas, yuswana ti ngawitan 17 taun dugi ka 60 taun,” ceuk Dedi.
Baca Juga: Nyanghareupan Pemilu 2024, Pemkab Bandung Ngaronjatkeun Kasiapsiagaan Potensi Bahla
“Sim kuring kawilang ngarojong tur ngaapresiasi dilibetkeunana disabilitas. Simkuring oge tumaros ka Ketua KPU Majalengka target 10 dinten ngarengsekeun nilepanna. Mung dipiharep teu dugi ka 10 dinten, maksimal 7 dinten tiasa rengse,” ceuk Dedi Supandi.