Network
Ketua KPUD Majalengka, Teguh Fajar Utama, netelakeun sahiji surat suara dihargakeun Rp265. Beubeunangan patugas nu nilepan gumantung kana jumlah surat suara nu ditilepanana.
“Leres surat suara nu ku aranjeunna dilepitan teh, surat suara kangge dapil IX di wilayah kabupaten Majalengka,” ceuk Teguh.
Kapolsek Majalengka Kota, AKP Iwan Sutari, S.IP., M.AP, ngawakilan Kapolres Majalengka, AKBP Indra Novianto, S.I.K., M.Si., CPHR, ngahaja nyaksian nu keur nyortir jeung nilepan surat suara Pemilu 2024.
Nalika dikonfirmasi, AKP Iwan Sutari, netelakeun ieu kagiatan bagian ti komitmen Polres Majalengka jeung pamarentah daerah dina ngarojong proses Pemilu 2024.
"Proses nyortir sareng pelipan surat suara kedah dilaksanakeun kalayan transparansi, akurasi, luyu sareng standar operasional," ceuk AKP Iwan Sutari.
AKP Iwan nyebutkeun hal ieu keur ngajamin lancarnaPemilu 2024 tur ngaronjatkeun kapercantenan masarakat kana integritas proses demokrasi.*** Ayank R Sambara
