Network
GALURA- Bupati Bandung, Dadang Supriatna ngabagèakeun atlet Kabupaten Bandung nu meunang medali dina SEA Games 2023 Kamboja. Para atlet diondang ka imah dines Bupati Bandung, di Soreang, Senen (22/5/23).
Minangka wujud apresiasi pikeun para atlet pinunjul dina SEA Games 223 Kamboja, Pemda Kabupaten Bandung mèrè bonus Rp1,062 miliar, nu baris dibikeun satutas pengesahan dina APBD Perubahan 2023 engkè.
Para atlet Kabupaten Bandung nu matandang dina SEA Games Kamboja 2023 geus hasil meunang 4 medali emas, 2 perak jeung 8 perunggu. Tilu atlet dayung asal Kabupaten Bandung meunang 3 emas, 1 perak jeung 4 perunggu wasta Indra Hidayat, Wandi jeung Dede Sunandar.
Baca Juga: Legislator Demokrat Osin Permana: Program Rutilahu Bunga Desa Ulah Salah Sasaran
Atlet sèjènna, Tsabitha Alfiah Ramadhani meunang medali emas cabor angkat besi 64 kg. Diana Ratna Dewi, meunang medali perunggu cabor kun bokator.
Iwal ti kitu, genep atlet hoki outdoor putra jeung putri nyumbangkeun medali perunggu. Kagenep atlet ieu; Adna Fika Ainun S, Nisa Indira, Salma Maulani, Aulia Akbar, Nurul Maulana, jeung Derangga Aditya.
Dina cabor polo air, Ahmad Fauzi meunang medali perak. sedengkeun polo air putri, Nyoman Ayu Safitri katut Indah Savitri meunang medali perunggu.
Ceuk Bupati Bandung, keur ngabentuk atlet punjul tèh teu gampil. Aya proses jeung aya sababaraha venue atlet punjul di SEA Games Kamboja 2023 ieu aya di Kabupaten Bandung.
Baca Juga: LSM Penjara Cabang Majalengka Meredih Inspektorat jeung Kejari Ngungkab Pungli di Sakola
