Network
GALURA - Dinas Komunikasi dan Informatika Kabupaten Majalengka (Diskominfo Kabupaten Majalengka) gawe bareng jeung Bappedalitbang Kabupaten Majalengka ngalaksanakeun kagiatan Bintek Pengelolaan Data dan Informasi Geospasial, tempatna di Aula Bappedalitbang Salasa (16/05/2023).
Bintek Pengelolaan Data dan Informasi Geospasial nu digelar ku Diskominfo Kabupaten Majalengka jeung Bappedalitbang Kabupaten Majalengka teh lumangsung dua poe. Pamilonna 60 urang ti Organisasi Perangkat Daerah (OPD) nu aya dina auban pamarentah Kabupaten Majalengka.
Kepala Diskominfo Kabupaten Majalengka H. Gatot Sulaeman, AP, MSi., nyebutkeun Bintek Pengelolaan Data dan Informasi Geospasial teh salasahiji kolaborasi Bappedalitbang jeung Badan Informasi Geospasial puseur.
Baca Juga: Ngobrol Mas, Polres Majalengka Nurunkeun 500 Anggotana Ngamankeun Pilkades Serentak
Data geospasial, atawa geodata teh data nu ngawengku informasi nu aya patula-patalina jeung lokasi di permukaan Bumi. Bisa ngabuktikeun objek, peristiwa, jeung fenomena dunya nyata lianna ka hiji area geografis, diidentifikasi ngagunakeun koordinat garis lintang tur bujur beungeut Bumi.
"Contona ti data geospasial: citra satelit, jarak, poto udara, jeung koordinat. Sarengse dikempelkeun, data diolah tur dianalisis dugi janten informasi geospasial," ceuk H. Gatot.
Dipiharep ku ayana Bintek Pengelolaan Data dan Informasi Geospasial unggal OPD bisa nyieun peta geospasial sarta data cakupan pemetaan wewengkon Majalengka, oge ngaronjatkeun kamampuh teknis pengelola data geospasial.
"Produk mangrupi data sareng informasi geospasial bakal dikompilasi ku Diskominfo salaku walidata. Dina hl ieu hasil geospasial dipersiapkeunk jadi bahan kangge ngarojong perencanaan Command Center Majalengka," ceuk Kadis Kominfo.
