GALURA -Polres Majalengka nyangkalak ulon-ulon nu nipu calon jamaah umroh. Korbanna 36 urang gagal mangkat ka Tanah Suci. Korban kabeh oge urang Majalengka ari ulon-ulonna urang Majalengka jeung urang luar Majalengka.
“Polres Majajalengka ngamankeun ES, MF, KS sareng HB nu tos nipu calon jamaah umroh sarta nyita barang bukti (BB),” ceuk Kapolres Majalengka AKBP Indra Novianto, S.I.K nalika Konfrensi Pers, Salasa (16/5/2023) di pakarangan Sat Reskrim Polres Majalengka.
BB anu diamankeun ku Polres Majalengka ti ulon-ulon nu nipu calon jamaah haji teh: bukti setoran 36 lambar, lambar Rekening Koran 19 lambar,1 Bundle Compeni Profile PT IAW sabundel.
Baca Juga: Di Kuningan, Dua Budak Aya Anu Ngagadabah, Hiji Diantarana ku Bapa Terena
BB sejenna, Kesepakan Pemberangkatan Umroh salambar, Koper 41, mobil Toyota Camry jeung Toyota Yaris masing-masing hiji.
Kapolres Majalengka nu dibarengan ku Kasat Reskrim AKP Febry H Samosir, Kasi Propam AKP Sarjiyo, Kasi Humas Iptu Agus Wahyudin, KBO Sat Reskrim Iptu Iwan Sutari nyebutkeun ulon-ulonna mimiti nipu tanggal 12 Juni 2022 jam 09:00 WIB.
Harita ES jeung MF datang ka SN ngaku-ngaku rekanan direktur haji umroh jeung provaider visa ti travel PT IAW nawarkeun program umroh nu lilana 12 poe, waragadna saurangna Rp27 urang.
Anu daftar jeung setor teh aya 36 urang sarta dina tanggal 29 Juni 2022 ka Hotel Grand Stay In di Kota Tanggerang. Tapi di ditu taya kagiatan nanaon sarta korban baralik deui.