Network
GALURA -Ti tabuh satengah genep isuk-isuk, ka pakarangan SMK Muhammadiyah Kawali Kabupaten Ciamis, Jalan Poronggol Raya, motor loba nu asup. Atuh sababaraha mobil di sisi jalan hareupeun SMK Muhammadiyah Kawali.
SMK Muhammadiyah Kawali ku Muhammadiyah Kabupaten Ciamis memehna ditetepkeun jadi salahsahiji tempat solat Id. Muhammadiyah ti awal bulan Ramadhan 1444 H mula netepkeun tanggal 1 Sawal 1444 H atawa Lebaran tanggal 21 April 2023.
Lebaran 21 April 2023, Jumaah, beh dieu sarua jeung di Arab Saudi katut di nagara-nagara Timur Tengah. Memehna Arab Saudi nyebutkeun Lebaran teh tanggal 22 April 2024. Ngan poe Kemis peuting dirobah jadi tanggal 21 April 2023 lantaran geus katempo hilal.
Baca Juga: Lokasi Salat Id di Kota Bandung Poé Ieu, 21 April 2023
Tina kituna, warga loba nu lebaranana tanggal 21 April 2024. Tambah deui samagaha (gerhana) panonpoe: panonpoe kahalangan ku bulan, ngandung harti geus ganti bulan. Nu matak loba warga nu lain anggota Muhammadiyah lebaranana 21 April 2023.***
