Network
GALURA-Kelompok warga anu nyadap geutah pines di jalur pendakian Gunung Ciremai, Palutungan, saenyana masih keneh urang Dusun Palutungan, Desa Cisantana, Kecamatan Cigugur, Kabupaten Kuningan.
Maranehna ngaku, saukur buburuh nyadap. Dititah ku pihak pausahaan geutah pines, dijangjikeun buruh nyadap sakilona Rp 4.500.
Basa ditalek, salah saurang anu ngaku milu nyadap teu nyebutkeun ngaran pausahaan anu nitah nyadap teh.
Baca Juga: Aya Anu Nyadap Geutah Pines di Jalur Pendakian Gunung Ciremai, PPGC Ngarasa Kaganggu
Eta warga ngaku, ku eta pausahaan sajaba dijangjikeun diburuhan, oge dibere fasilitas sapatu boot, alat nyadap jeung fasilitas sejenna.
"Duka abdi henteu terang, mung aya anu miwarang," ceuk salah saurang warga, anu narah disebutkeun ngaranna teh.
