Network
GALURA - Persib Bandung ngangsrod ka puncak klasemen saheulaanan Liga 1 2022/2023 sabada meruhkeun lawanna Borneo FC 1-0 di Stadion Pakansari, Cibinong, Bogor, Kemis 26 Januari 2023.
Samemehna, nu cicing di puncer klasemen saheulaanan Liga 1 teh Persija Jakarta sabab boga poin 38. Sedengkeun Persib Bandung 36.
Ngan sanggeus ngelehkeun Borneo FC 1-0, Persib nerekel ka puncer klasemen saheulanan sabab ngoleksi niley 39 tina 19 pertandingan.
Baca Juga: Patekadan Luis Milla dina Laga Persib vs Borneo FC : Meunang, Neruskuen Tren Positif, 'Mayar Hutang'
Baca Juga: Persib vs Borneo FC, Luis Milla : Sumanget Maung Bandung Taya Tandingna, najan Nick Kuipers Teu Maen
Di handapeun Persib ayeuna aya Persija Jakarta jeung PSM Makassar nu boga niley sarua, 38.
Mun nilik permaenan dina laga tadi, boh Persib boh Borneo FC saenyana sarua kuatna. Samalah di menit-menit munggaran, Borneo FC langsung nyerang jeung meh-mehan nyiptakeun gol tina suku Matheus Pato.
Ngan untungna wae, kiper Persib Bandung Teja Paku Alam, mampuh ngamankeun bal sepakan Pato.
Baca Juga: Rumpaka atawa Lirik Lagu 'Runtah' ti Doel Sumbang Nu Viral Nepi ka Kiwari
Ti harita, pamaen Persib jeung Borneo FC siliserang, papada hayang meunang.
Tapi, nasib hade tetela mayungan Persib.
Dina menit ka 7, David da Silva narima operan nyilang ti Ciro Alves. Kalawan tenang, bal disepak ku David da Silva ka gawang Borneo FC. 1-0.
Unggulna Persib teu robah nepi ka pertandingan lekasan, sok sanajan dina menit 45+1, Persib kudu kaleungitan Kambuaya jeung kudu maen 10 urang.
Baca Juga: Kasus Penipuan Di Kuningan, Diajak Gawe Bareng Usaha Catering, 23 Warga Karoroncodan Rp. 3,1 Milyar
Cek bobotoh
Ningali eta hasil, bobotoh dina sawatara akun nu make ngaran Persib, mere apresiasi nu gede ka palatih Luis Milla.
Bobotoh memang percaya, moncorongna Persib ayeuna teh, di antarana alatan Luis Milla.
"Coach Milla memang hebat lah. Persib teu panasaran ngagunakeun Milla," cek ratusan bobotoh.
Baca Juga: Mabokuy, Momones Anyar Ti Rajadesa, Ciamis, Mucunghul tina Jiwa Seni Warga nu Apal Kana Potensi Desa
"Alatan Milla, Persib ngasaan deui aya di puncak klasemen. Pertahankeun, Sib! Bravo, Milla," cek nu sejenna.
Nurutkeun catetan, samemeh dilatih Milla, Persib terus-terusan eleh nepi ka ngalaman aya di papan handap.
Ngan sanggeus dilatih Milla, Persib lalaunan naek deui. Tina 12 pertandingan beh dieu, Persib can kungsi eleh. Mun teu meunang nya gedeg. Nepi ka ayeuna aya di puncak klasemen saheualan BRI Liga 1. ***
