GALURA- Danramil Jatinangor Bandung, Kapten Arhanud Ateng Jaelan, meunteun Jatinangor mangrupakeun puseur atikan.
Di ieu daerah aya UNPAD, IPDN, IKOPIN, ITB, jeung réa-réa deui paguron luhur Jeung lembaga atikan sejenna.
Baca Juga: Jalan Sindangjawa-Bunigeulis Urug, Rea Gorong-Gorong Kapendet Batu
"Jatinangor beda jeung wilayah nu séjén, najan aya desa tapi geus ngadeukeutan perkotaan, ceuk Ateng, ka wartawan di kantorna, Juma'ah (27/1/2023).
Ceuk Ateng, satuluyna, kagiatan masarakat di Jatinangor padet, tapi cukup tingtrim. Eta alatan aparatna surti kana potensi masarakatna.
Pikeun ngawangun katingtriman hiji daerah, ceuk Ateng, sajaba butuh pamingpin kawas camat, danramil, kapolsek katut kepala desa nu tandes, tapi ogé nu surti kana potensi masarakat.
Baca Juga: Jalan Sindangjawa-Bunigeulis Urug, Rea Gorong-Gorong Kapendet Batu
Ateng nandeskeun, cohagna mah pikeun nyiptakeun katingtriman hiji wewengkon teh, aparat kudu bisa ngabina masarakat.
"Upama eta tos kahontal, hiji wilayah bisa disebat kondusif atawa tingtrim, " ceuk ieu Danramil nu kakara opat bulan leuwih mencén di Jatinangor teh.***