GALURA.CO.ID -Kabupatem Bandung ngadeg dumasar Piagam Sultan Agung Mataram nu titimangsana 9 Muharam taun alif ningggang poè Saptu, 20 April 1641 Masehi.
Dumasar ieu bukti sajarah ditetepkeun Surat Keputusan nomer : SK.10:10/KPTS/DPRD/1973 ngeunaan hari jadi Kabupaten Bandung
Nya, dina tanggal 20 April 2024
Kabupaten Bandung panceg 383 taun. Dina raraga ngareuah-reuahna, sajumlah kagiatan digelar ku pamarèntah Kabupaten Bandung.
Baca Juga: Dina Halalbihalal Pemda Bandung Bupati Ngapresiasi 98,2 Persen ASN Ngantor Satutas Perè Lebaran
Ketua Panitia Hari Jadi ke 383 Kabupaten Bandung nu ogè Sekda Pemda Bandung Tjakra Amiyana ngajelaskeun, agenda kagiatan milangkala ka-383 Kabupaten Bandung garis badagna dua agenda: agenda kagiatan poko jeung agenda tambahan.
Ceuk Amiyana, agenda kagiatan poko dimimitian gladi milangkala ka-383 Kabupaten Bandung jeung Hari Kartini ka-145 tur Ziarah ka makam parabupati Bandung, Rebo, 17 April 2024.
"Ziarah ka makam para mantan Bupati Bandung Pa Bupati ngalongok sababaraha lokasi di antarana Taman Makam (TM) Pahlawan Cikutra, TM Dalem Kaum, TM Karang Anyar, TM Caringin (Porib) sareng TM Dayeuhkolot," ceuk Sekda Tjakra Amiyana, Rebo, 17 April 2024.
Kagiatan poko dina poèanana ceuk Amiyana: Upacara Peringatan Hari Jadi ke-383 Kabupaten Bandung jeung Hari Kartini ka-145 Tingkat Kabupaten Bandung Tahun 2024 jeung Sidang Paripurna Istimewa DPRD Kabupaten Bandung nu dilaksanakeun, Saptu, 20 April 2024.
Baca Juga: Apel Munggaran Satutas Perè Lebaran 1445 H/2024 M, ASN Pemkab Bandung 98,2 Persen Hadir
"Upacara Peringatan Hari Jadi Kabupaten Bandung ka-383 dipusatkeun di Lapangan Upakarti, Kompleks Pemkab Bandung, Saptu 20 April 2024, makè pakèan baju adat Sunda," ceuk Sekda.
Iwal ti kitu, Pemkab Bandung ogè ngayakeun sababaraha agenda kagiatan tambahan nu masih runtuyan milangkala ka-383 Kabupaten Bandung. Agenda-agendana nembrak keur masrakat Kabupaten Bandung.
Kgiatan tambahan ceuk Sekda dimimitian ku Halalbihalal nu dieusi ku ceramah ti Ustadz Maulana, Salasa, 16 April 2024. Dina poè Kemis, 18 April 2024 digelar pertandingan eksebisi sepakbola di Stadion Si Jalak Harupat antara Forkopimda vs Para Kepala OPD.
Dina tanggal 19 April 2024, masarakat umum bisa aub kana Senam Bedas bareng Bupati Bandung Dadang Supriatna jeung Bunda Bedas Emma Dety mimiti tabuh 07.00 isuk-isuk di Lapang Upakarti, dituluykeun ku Fun Bike nu dimimitian tabuh 08.00 di Plaza Upakarti.
Baca Juga: Dua Tempat Jadwal Manggung Khanha Satutas Lebaran, nu hijina 4 Generasi Dalang
Satutas miangkeun pamilon Fun Bike, Dadang Supriatna diagendakeun muka kagiatan Festival Kreativitas Bandung Bedas nu dieusi ku Job Fair, pameran jeung nu sèjènna di Areal Parkir Gedung Budaya Soreang tabuh 08.30 jeung muka Gebyar Sidang Isbat Nikah Terpadu tabuh 13.00 di Gedung Moh Toha.
Dina poè Saptu, 20 April 2024 ogè aya Traditional Archery jeung Olahraga Tradisional di Dome Bale Rame mimiti tabuh 08.00 tepi ka rèngsè.
Masarakat Kabupaten Bandung ogè bisa nyaksian Karnaval Budaya Bedas nu baris nampilkeun saniskara pintonan atraksi kasenian di Jalan Al Fathu Soreang poè Ahad, 21 April 2024 ti tabuh 07.30 tepi ka rèngsè.
Keur para nonoman aya kaagiatan pertandingan e-sport jeung Bazaar Olahan lauk di Lapang Upakarti jeung Traditional Archery di Dome Bale Rame.
Milangkala ka-383 Kabupaten Bandung dipungkas Ahad peuting ku kagiatan Closing Bedas Ekspo jeung Panggung Hiburan nu mintonkeun parai artis ngahibur masarakat.*** Sopandi