GALURA -Sistematika naskah Pangeran Wangsakerta sarua jeung sistematika karya tulis ilmiah jaman ayeuna. Jenatna Ayatrohaedi ngajentrekeun unggal jilid naskah Pangeran Wangsakerta, sistematisna teh: purwaka, pedaran, jeung kolofon.
Dina purwaka naskah Pangeran Wangsakerta sarua jeung pendahuluan dina karya tulis ilmiah. Eusi Purwaka nerangkeun hal-hal nu aya patalina jeung ngaran naskah, parwa jeung sarga, nu nyusun, sumber, alasen nyusun naskah, tujuanana, jeung cara dipigawena.
Lian ti eta purwaka naskah Pangeran Wangsakerta nu teu beda jeung pendahuluan karya tulis ilmiah ngadadarkeun ngeunaan naon-naon nu aya patalina jeung dibentukna panitia.
Baca Juga: Panineungan Adang S, Tentara Pangarang Sunda Dijeujeuhkeun ku Mh Rustandi Kartakusumah
Dina purwaka oge dicaritakeun ngeunaan neangan sumber jeung bahan, ngogan narasumber, diayakeunna sawala, tugas sangga, jeung ngarengsekeun masalah yang mucunghul dina sawala. Di dieu aya pertanggungjawaban ilmiah.
Bagean kadua bahasan nu tangtu leuwih panjang lantaran eusina pedaran katerangan kasejarahan nu luyu jeung judulna. Tangtu eusina leuwih panjang batan purwaka. Dina karya tulis ilmiah jaman ayeuna mah disebut isi.
Kolofon eusina pamungkas atawa panutup pedaran. Kolofon sarua jeung simpulan.
Tina kituna, naskah Pangeran Wangsakerta teh geus ilmiah tina jihad sistematis mah.***