GALURA - Pikaresepeun naker, kitu tempat wisata Cikao Park nu perenahna di Jatiluhur, Purwakarta teh.
Nu matak pikaresepeun pisan teh, sabab Cikao Park mah tetep bisa dipake ulin sok sanajan alam keur haleungheum, ceudeum samalah hujan.
Eta hal kaalaman pisan ku Galura nu pareng ka Cikao Park keur hujan miripis sawatara waktu ka tukang.
Baca Juga: Jelajah Wisata Militer Tjimahi Heritage Ngadongdon Pusdikpal Cimahi, Leubeut ku Rupaning Elmu
Baca Juga: Wisata Kuliner di Kota Bandung, Iga Bakar Si Jangkung jeung Sate Gulai Kambing HM Harris
Eta sababna, ulah heran mun Cikao Park tetep pada ngadeugdeug sok sanajan alam aleum, utamana di poe pere Saptu jeung Minggu.
Cikao Park teh salahsahiji tempat wisata anyar di wewengkon Purwakarta. Disebut salahsahiji, sabab di Purwakart ti lima atawa sapuluh taun ka tukang dugdeg tempat ulin anyar keur kulawarga.
Cikao Park nu perenahna di Desa Cisalada Kacamatan Jatiluhur, Purwakarta, boga kaunggulan ti tempat wisata sejen.
Baca Juga: Rekomendasi 2 Tempat Wisata di Bogor, Ngopi di Sawah, Kukudaan di Gunung Mas, Healing keur Kulawarga
Ieu tempat wisata konsepna sajaba ti keur healing, piknik, oge mere atikan ka nu nyarungsina. Edukasi nu ditujul nyaeta nu aya patalina heung sasatoan sarta kekembangan.
Pangna kitu, sabab di Cikao Park, sajaba ti aya rupaning wahana keur ulin nu matak resep kayaning kolam renang, imah ilusi jeung nu sejenna, oge aya taman satwa jeung taman bunga.
Di eta dua taman, wisatawan bisa ningali rupaning sasatoan jeung kekembangan nu arendah nu di antarana kaasup langka.
Ieu tempat wisata geus kaasup kajojo di Purwakarta.
Buktina, nu arulin ka Cikao Park lain wae urang Purwakarta wae, tapi rea nu ti jauhna kayaning Sumedang, Garut, Karawang, Bogor malah Jakarta.
"Leres, nu ngadeugdeug ka dieu ti ditu ti deui, Kang," cek hiji karyawan Cikao Park ka Galura.
Baca Juga: 3 Tempat Wisata di Cianjur, Merenah Disungsi dina Poe Pere Minggu Ayeuna, Instagramable
Ari rereana, cenah, nu datang ka Cikao Park teh kulawarga nu kumplit jeung barudakna, sarta rumaja atawa ABG.
"Ka dieuna muhun, seuseueurna mah dintenan pere," pokna deui. ***