GALURA.CO.ID -Kepala Dinas Pendidikan Kabupaten Bandung muka Pekan Keterampilan dan Seni (Pentas) Pendidikan Agama Islam (PAI) tingkat Kabupaten Bandung nu digelar di SMPN 1 Cicalengka, Kabupaten Bandung, Salasa, 21 Mei 2024.
Acara bubuka Pentas PAI diluuhan ku Forkopimcam Cicalengka, Kepala Kemenag Kabupaten Bandung, jeung tamu ondangan sèjenna.
Kepala Dinas Pendidikan Kabupaten Bandung, Dr. H. Agus Firman Zaini, M.S.i nyebutkeun kagiatan Pentas PAI teh wadah pikeun siswa turta nganteur siswa ngahontal cita-citana.
"Kamari Disdik ogè ngagelar Olimpiade Olahraga Siswa Nasional tingkat Kabupaten Bandung. Ayeuna Pentas PAI. Tugas guru tèh nganteurkeun siswa ngali potensi-potensina. Lomba sanès kanggo guru, tapl kumaha urang tiasa ngaronjatkeun potensi siswa ka nu langkung luhur. Ngajajap siswa nu teu mampuh janten mampuh. Janten ieu saleresna substansi tina saniskara kagiatan, " ceuk Agus Forman.
Agus Firman miharep ieu kagiatan lungsur-langsar jeung bisa ngahasilkeun prestasi saluhur-luhurnai jang makalangan di tingkat Provinsi Jawa Barat, 29 Juni 2024 engkè.
Ketua Panitia Pelaksana, Bambang Kaerul Umam S.Ag. nètèlakeun, nu dilombakeun dina Pentas PAI di antarana Cerdas Cermat PAI, Pidato PAI putra/putri, MTQ putra/putri, MHQ putra/putri, Kaligrafi putra/putri, Pratik Shalat Berjamaah, Praktik Adzan, katut Seni Qasidah Rebana.
"Pentas PAI jadi wadah prestasi hususna dina widang agama islam. Jejer kaigiatan: Merdeka Berprestasi, Talenta Keterampilan dari Seni Menginspirasi Budi Pekerti Pondasi Generasi," ceuk Kaerul Umam.
Kaerul nyebutkeun, jumlah pamilon 806 siswa tina 31 kecamatan, ngawengku 12 mata lomba nu dibagi di sababaraha tempat, salashijina Muhajirin di SMPN 1 Cicalengka.
Kagiatan direncanakein, ceuk Kaerul Umam, tina anggaran Dinas pendidikan Kabupaten Bandung. Bambang ngawilujengkeun para pamilon jeung ngahaturkein nuhun ka guru pembimbing, ka Kadisdik, jeung ka Kepala Kemenag, katut Forkopimcam Cicalengka.*** Sopandi