"Kantorna samodel kumaha, bumina kumaha. Upami ayeuna modelna araraneh, teu aya standarisasina. Istana kieu bentuk wangunanana, wangunan pamarèntah provinsi kieu, kabupatem kieu, desa kieu. Ieu kedah aya, engkè bentuk brandingna. Danget ayeuna mah di Indonesia sesah ngabèntenkeun mana kota, mana desa, mana kelurahan. Ieu alatan teu aya brandingna, " ceuk Dedi.
Drdi Mulyadi miharep Apdesi engkè sangkan ngayakeun pelatihan atawa ngarahkeun kepala desa kana etika kepala desa jeung etika profesi.
Ceuk Dedi kepala desa tèh pamingpin kultur, jadi teu liwat prosees. "Panginten aya kalana bingung naon nu kedah dilakukeun upami aya di. saluareun rohang desana, " pokna.
Kepala desa ceuk Dedi Mulyadi deukeut jeung masarakat tepi ka teu weleh jadi objek. "Upami bupati atanapi gubernur gaduh mobil mewah teu patos janten puseur perhatosan. Tapi kepala desa langsung janten sorotan warga. Kumargi kitu ètikana kedah langkung dijaga, " pokna. *** Sopandi