Pepadi Ciamis Gede Harepan Seni Wayang di Ciamis Mingkin Nanjung

GALURA.CO.ID -Kabupaten Ciamis teu miluan Binojakrama Pedalangan Wayang Golek Purwa  di Kabupaten Bandung ngajurung dibentukna Pepadi Ciamis. Pamarentah Kabupaten Ciamis oge bakal ngadeudeul program Pepadi.

Teu miluanana Ka­bu­paten Ciamis di­na Binojakrama Pe­da­langan Wa­yang Go­lek Purwa di Ka­bu­pa­ten Bandung, 27-28 Novem­ber 2023 jadi bahan pa­talekan ti dalang-dalang Giri Harja rundayan Asep Sunandar Sunarya suargi. Kituna teh di Kabupaten Cia­mis aya dua da­lang senior nu geus teu asa jeung jiga keur da­lang Giri Harja.

Eta dua dalang senior teh De­den Kurnia jeung Deden Tira­ya­na. Deden Kurnia, da­lang teu­reuh Prabu Boros­ngora Panjalu nu dumuk di Kampung Bungur­sari, Desa Sindang­he­rang, Keca­matan Panum­bang­an. Deden Kur­­nia ti taun 1996 ngaguru ka Asep Sunandar Su­narya sarta mam­pu ngalap ka­parigelan  Asep Sunandar Su­nar­ya.

Baca Juga: Dunya Usaha di Urang Kalindih ku Produk Luar Kitu Ceuk Longser Bandung Mooi

Deden Kurnia kalandep pi­san ku Asep Sunandar Sunarya. Ngaran lingkung seni Deden Kurnia: Gi­ri Baskara, oge meunang Asep Su­nan­dar Sunarya. Seu­weu-seu­weu  Asep Sunan­dar Su­narya nu ayeuna nanjung, Da­dan Sunan­dar jeung Yo­gas­wara,  sababaraha kali nganjang ka padumukan De­den Kur­nia, lamun pareng pa­ge­laran di Priangan Wetan.

Deden Tirayana nu dumuk di Kampung Majapura, Desa Bun­ter, Kecamatan Sukadana, asalna urang Banjaran Ka­bupaten Bandung. Sarua nga­guru ka Asep Sunandar Sunar­ya, malah katalian dulur ti bo­jona. Dadan Sunandar ka De­den Tirayana per­nahna emang. Lanceuk bojo De­den Tirayana kawin ka Asep Sunandar Su­narya.

Deden Tirayana geus 3o taun dumuk di lembur bojona sabada bojo munggaranana tilar. Najan geus teu di Ban­dung  ari ka Giri Harja tetep ngan­teng. Dadan jeung Yogas­wara oge sababaraha kali ka padumukan Deden Tira­yana. Nu matak waktu mireng Ka­bu­paten Cia­mis teu miang­keun dalangna sina miluan Bi­no­jak­rama Pe­da­langan Wa­yang Go­lek Purwa di Kabupaten Ban­dung, boh Da­dan boh Yogas­wara nelepon ka Deden Kurnia.

Dadan jeung Yogaswara nga­nanaha Kabupaten Ciamis ab­sen. Dijawab ku Deden Tira­yana: pedah taya dana. Padahal mah lain eta. Teu miluna Ka­bu­paten Cia­mis dina Bi­no­jakrama Peda­­langan di Kabu­paten Ban­dung  lain pedah taya waragadna jeung deuih lain pe­dah dalang ti Ka­bupaten Ciamis se­bereun miluan Bi­nojakrama.

Baca Juga: Genep Seniman Lukis ti Komunitas Seni Rupa Gradasi Kabupaten Bandung Aub kana Festival Art Tasik

Anu jadi marga lantaranana mah: surat ti Persatuan Peda­langan Indonesia (Pepadi) Jawa Ba­rat nu geus lila dikirim ku Di­nas Kebudayaan Pemuda dan Olahraga (Disbudpora) Kabu­paten Ciamis teu gancang diem­bar­keun ka para dalang. Meu­reun pedah Pepadi Ciamis geus lila pakeum. Tambah deui aya nu datang ka Disbudpora Ci­amis, nga­bejakeun Ciamis teu siap miluan Binojakrama.

Ahad, 19 November 2023, jam 08.41, galura.co.id nurun­keun tulisan: Ciamis Teu Ngi­rim­keun Dalang ka Binojak­rama Pedalang di Kabupaten Bandung, Disbudora Ciamis Nga­betem. Wartawan galura. co. id memeh nayangkeun eta warta kon­firmasi heula ka urang Dis­budpora Ciamis ngan teu meunang jawaban, nelepon teu di­ang­kat, WA oge henteu diwalon.

Paradalang, babakuna para dalang senior ngagelar riungan pikeun ngabentuk pangurus anyar Pepadi Kabupaten Cia­mis. Ketak para dalang senior ki­tu teh dideudeul ku pihak Disbudpora Kabupaten Ciamis nu hayang leuwih nga­moteka­r­keun seni wayang di Ka­bupaten Ciamis.

Sanggeus sarerea sapuk ka­na pangurus anyar Pepadi Ka­bu­paten Ciamis diajukeun ka Disbud­pora sarta di-SK-an ku Ke­pala Dis­budpora Ciamis, Er­wan Darma­wan, kalayan as­ma Bupati Cia­mis, titimang­sa SK-na tanggal 23 No­vem­ber 2023, poe Kemis.

Baca Juga: Salila 2023 Ngahasilkeun 50 Lukisan Kota Tua, Lukisan Ahir Taun R Cahyadi

Pangurus Pepadi Ciamis nu anyar dibentuk jeung di SK-an teh: Panesahat: H. Cahyo Yus­wa­na Lili Adi Sunarya, Deden Tira­yana jeung Edi Kur­nadi; Ke­­tua: Rd. Tomas Kur­nia, S.Pd (De­den Kurnia); Wakil Ketua: Rd.Koko Kos­wara. Dileng­kepan ku Sekre­taris, Ben­da­ha­ra, jeung Seksi Diklat, Hu­mas, Sapras, Doku­men­tasi.

Najan pangurus Pepadi Cia­mis geus dibentuk (deui) sarta geus di-SK-an, tapi Ciamis teu bisa ngirimkeun dalang kana Bi­­no­jakrama di Kabupaten Ban­­­­­dung. “Kawitna mah abdi nu di­ju­rung ngiring Bino­jak­rama teh,” ceuk Deden Kurnia. Tapi teu ditedunan. Anu miluan Bi­nojakrama tingkat Jabar umum­na juara kahiji Binoja­k­rama ting­kat kabupaten atawa kota.

Disbudpora Ciamis

“Ayeuna perhatosan ti Dis­budpora Ka­bupaten Ciamis  ka­cida pisan ageungna,” ceuk De­den Kurnia nu sorana mun keur ngadalang nyeples pisan Asep Sunandar Su­narya. Dis­budpora Ci­amis ba­kal ngajurung bari jeung nyadiakeun wa­ragadna sang­kan pa­da­la­ngan di Kabu­paten Ciamis motekar sarta bibit-bibit pida­langeun terus tumuwuh.

Deden Kurnia bakal nyusun program keur ngasah jeung meu­seuh dalang-dalang di Ka­bupaten Ciamis. Tina kurang leuwih 20 dalang di Kabupaten Ciamis lolobana mah nonoman sarta sacara tehnik ngawayang  geus cukup, tinggal diasah. Direncana­keun, pelatihan digelar sabulan sakali.

Baca Juga: Dr. Supriatna, S.Sn, M.Sn, ti Seni Rupa ITB ka ISBI Bandung

Disbudpora Ciamis, ceuk Deden Kurnia, geus nyadiakeun ru­angan sekretariat Pepadi Cia­mis nu di Gedung Kesenian Ciamis (GKC) nu ti saprak di­res­­mikeun, November 2015, ta­can kungsi dipake pagelaran ka­­se­nian. GKC oge bisa dipake keur latihan ngadalang. “Sim­kuring nuju nyu­sun ang­garan­ana, kanggo diklat,” pokna.

Dina diklat ceuk Deden Kurnia,  diusahakeun ins­truk­turna, sal­ian ti dalang senior di Kabu­paten Ciamis, oge ti aka­demisi, ti ISBI Bandung jeung dalang moyan ti daerah sejen. Ngarah dalang dibekelan ku pangaweruh ti akademisi jeung praktisi, lebah dieu dalang nu masagi sarta panggunganana kerep bisa dijadikeun bahan keur bekel para dalang.

Diklat salian ti ngasupkeun para dalang Ciamis dina kawah candramuka, oge keur nyang­ha­reupan Binojakrama Peda­langan Wayang Golek Purwa ting­kat Kabupaten Ciamis nu direnca­na­keun digelar Mei 2024. Pinunjul kahiji jadi wawakil Kabupaten Cia­mis dina Binojakrama tingkat Ja­bar taun 2025 nu digelar di Ka­bupaten Bogor. 

“Dina Binojakrama 2025 di Ka­bupaten Bogor, dalang ti Ka­bupaten Ciamis kedah ngahontal prestasi  nu pika­reu­euseun. Bokor Mas Astagina kedah tiasa diboyong ka Tatar Galuh Ci­amis,” ceuk Deden Kurnia. Inya­na gede harepan eta kaha­yang teh bisa kahontal lantaran dalang-dalang di Ka­bupaten Cia­mis mibanda bakat nu hade.

Baca Juga: Wayang Geugeus ti Lembur Siluman Rawa Onom Kota Banjar

Penasehat Pepadi Ciamis, Edi Kurnadi, ngajurung pisan pa­ra dalang di Kabupaten Cia­mis jadi dalang moyan lain ukur di Kabupaten Ciamis tapi oge di luar wewengkon Kabu­paten Cia­­mis sarta satata jeung da­lang-dalang ti we­wengkon se­jen. Ngan le­bah dieu pama­rentah Kabupaten Ciamis k­u­du ngarojong jeung ngayunkeun program Pepadi Ciamis, upamana nyadiakeun waragadna.

Pikeun ngagembleng da­lang-dalang di Kabupaten Cia­mis, Edi Kur­nadi nu oge Kuwu Desa Kaso, Kecamatan Tam­bak­sari, di­na maleman taun anyar, ma­lem 1 Januari 2024, bakal  nga­gelar pagelaran rampak dalang di sanggar Mekar Arum 2 di De­sa Kaso.  Ieu bakal dijadikeun pa­miangan  hu­dang­na jeung nanjeurna  deui se­ni wayang di Ka­bu­paten Cia­mis.

Maman Isak Juharman, ti sanggar Seni Rakyat Buniseuri, Kecamatan Cipaku ngaba­ge­a­keun pisan aya program keur ngamajukeun seni wayang di Kabupaten Ciamis.***