Network
“PERJURIT Carbon,” ceuk Aki Jaya dina jero hatena.
Waktu pasarandog, prajurit teh ngarandeg. Malencrong ka Aki Jaya, Asmita, Atus jeung ka Gingin nu terus ngingkig leumpang. Teu malire ka prajurit Cirebon.
“Arep endi?” ceuk salahsaurang prajurit, sigana mah luluguna. Sorana agem jeung siga nu nyentak.
Aki Jaya, Asmita, Atus jeung Gingin ngarandeg. Meh bareng ngaralieuk ka tukang. Katempo prajurit Cirebon teh leungeunna nyarekel perah pedang nu ngadaplok dina cangkeng beulah kenca.
“Ka patilasan,” tembal Aki Jaya tatag.
“Kowe saking kulon?” lulugu prajurit Cirebon nanya deui, angger sorana tandes, angger bangun teugeug.
“Kami ti Kawali,” tembal Aki Jaya.
“Kawali? Saking Galuh,” ceuk lulugu prajurit Cirebon. Ayeuna mah sorana leuleuy.
“Daria arep endi?” ceuk Aki Jaya malik nanya.
