Network
“Ari ngaran Hasan paméré ti bapa dia?”
“Di Sunda Kalapa, kula boga kawawuhan umurna sapantar jeung ayah, urang Keling. Manéhna ngajarkeun ageman nu loba saruana jeung ageman kula. Malah ceuk pangrasa mah ageman kula méméhna disampurnakeun ku ageman nu diwanohkeun ku éta urang Keling. Kula pindah ageman, ngaran diganti.”
“Nahan diganti?”
“Ngarah gembleng.”
“Ari dumuk di dieu geus lila?” ceuk Béna nyusul tepus. Ari Putri Anjungsari jeung Ranah ukur ngabandungan.
“Tacan pati lila.”
“Geus teu dagang deui di Sunda Kalapa?”
“Angger dagang, ngan dipercayakeun ka anak paman kula. Pindah ka deui asa teu betah cicing di Sunda Kalapa.”
“Naha?” Béna nanya deui.
Hasan ngarénghap panjang.
