Network
“AREK ka Medang Kahiang,” témbal Olot Kaya.
“Jauh temen. Lembur dia? Atawa arék nganjang?”
“Nyiar luang jeung pangalaman. Ngasuh nu ngarora,” ceuk Olot Kaya bari ngarérét ka nu nanya. “Ari dia rék ka marana?”
“Kami mah keur ngalalana. Sarua keur néangan luang jeung pangalaman.”
“Geus sabaraha lila?” ceuk Olot Kaya nanya deui, sangkan itu teu kateterusan tetelepék.
“Kateuing teu ngitung. Nuturkeun kereteg haté waé. Mun hayang balik karék balik,”
“Geus beubeunangan salila ngalalana?”
Ditanya kitu lalaki nu duaan tingraringeuh.
“Eta mah pangalaman batin teu hadé dicaritakeun,” témbal nu ditotopong warna bodas.
