Network
GALURA.CO.ID - Kodim 0617/Majalengka ngokolakeun Komunikasi Sosial (Komsos) jeung aparat pamarentah. Ieu kagiatan lumangsung di Aula Sindang Kamulyan Makodim, Jalan KH Abdul Halim nomer 403 Kelurahan Tonjong, Kecamatan Majalengka, Kabupaten Majalengka, Rebo (19/6/2024). Kalayan ngarojong jejer "TNI AD bersama Aparat Pemerintah Bersinergi falam Mengatasi Dampak Perubahan Iklim".
Dandim 0617/Majalengka Letkol Inf Dudy Pilianto, S.Pd., M.I.P., ditepikeun Pgs. Kasdim Kapten Arh Winarno, netelakeun pentingna rukun gawe antara TNI jeung aparat pamarentah dina ngantisipasi dampak anu dibalukarkeun tina parobahan iklim hususna di Kabupaten Majalengka.
Dina kasempetan anu sarua, Kapten Inf Mastam panyatur, nyebutkeun, Kodim Majalengka siap sinergi jeung Polri katut instansi lianna, kalayan ngoptimalkaeun peran Satkowil dina ngawal pesta demokrasi dina raraga kapamingpinan Nasional jeung daerah pikeun ngawujudkeun stabilitas wilayah.
Masih ceuk Kapten Mastam, optimalisasi peran Satkowil dina ngabantu program pamarentah dina ngaleungitkeun kamiskinan ekstrem saluyu inpres Nomor 4 Taun 2022. Kagiatan anu bisa dilaksanakeun di antarana Manunggal Air dan Ketahanan Pangan.
Feri Ferdianto, Ahli Pertama-Penata Penanggulangan Bancana BPBD Kabupaten Majalengka nu oge panyatur narasumber, satuluyna nyebutkeun, peran komunitas masarakat diauban kecamatan, desa, kalurahan sangkan ngalaksanakeun edukasi, sosialisasi jeung simulasi bencana ka masarakat. Kalayan ngapasilitasan program-program PRBBK ku panarekan 4M, (Mikawanoh Lembur, Mulasara Alam, Mikaweruh Adat jeung Mageuhkeun Iket).*** Ayank R Sambara
