Network
GALURA.CO.ID -Kepala Desa Mekarrahayu, Kecamatan Margaasih, Kabupaten Bandung, H. Iip Syaripulloh ngaku wargana nyumbang panglobana beubeunangan sora Dadang Supriatna dina Pilkada 2020, nyaèta 8500 sora.
Kituna ditepikeun H. Iip Syaripulloh basa ngabagèakeun Bupati Bandung Dadang Supriatja jeung rengrengan Organisasi Perangkat Daerah (OPD) ngalaksanakeun Rembug Bedas ka-134 di Desa .Melarrahayu kecamaatan satemoat, Rebo, 12 Juni 2024.
Poè ieu, Bupati Bandung, jeung rèngrègan OPD ngalaksanakeun Rembug Bedas di tilu desa di Dapil 2. Rembug Bedas ka-132 di Desa Dayeuhkolot, Kecamatan Dayeuhkolot, Rembug Bedas ka-133 di Desa Sukamenak, Kecamatan Margahayu, katut Rembug Bedas ka-134 di Desa Mekarrahayu, Kecamatan Margaasih.
Ku jadi lumbung sora Dadang Supriatna, ceuk H.Iip nuduhkeun dukungan warga ka Bupati Bandung kacida gedè. Ku kituna H.Iip balaka umajak ka wargana sangkan ulah kagok ngadukung deui Dadang Supriatna keur dua periode.
H. Iip ogè umajak bobotoh Hj.Aas Aisyah, bojona nu lolos jadi anggota DPRD Kabupaten Bandung dina Pileg 2024 jeung bobotoh Dadang Supriatna pikeun kompak ngahiji.
Dina Rembug Bedas Bupati Bandung masrahkeun bantuan pangan 6600 kg belas, hibah buku, simbolis bantuan rutilahu jeung nu sèjernna.
Dadang Supriatna ogè nyarankeun Desa Mekarrahayu dimekarkeun sabab jumlah wargana geus pajejel, anggaran taun 2024 nu bakal diarima kana Rp 3,8 miliar teu paruk jeung jumlah warga. Tapi, Dadang Supriatna masrahkeun sapinuhna ka pihak desa jeung BPD.*** Sopandi
