Network
GALURA.CO.ID -Dina raraga mieling HUT ka-78 Persatuan Istri Tentara (Persit) Kartika Chandra Taun 2024, Persit KCK Cabang XXVIII Dim Majalengka Koorcab Korem 063 PD III/Slw ngagelar kagiatan bakti sosial donor darah.
Ieu kagiatan tempatna di Aula Sindang Kamulyan Makodim Majalengka, Jalan KH Abdul Halim No. 403 Kelurahan Tonjong Kecamatan Majalengka Kabupaten Majalengka, Jumaah (23/2/2024).
Kagiatan donor darah, nyokot jejer “Persit Peduli, Kreatif dan Sederhana” anu dilaksanakeun ku Kodim 0617/Majalengka gawe bareng jeung Palang Merah Indonesia (PMI) Kabupaten Majalengka.
Baca Juga: Nyiar Solusi Hade, Satgas TMMD ka-119 Kodim 0617/Majalengka Musyawarah jeung Warga
Diiluan ku Prajurit jeung PNS TNI Kodim 0617/Majalengka, anggota Persit Cabang XXVIII tur FKPPI Cabang 10.18 Majalengka.
Dalam eta kasempetan, Dandim 0617/Majalengka Letkol Inf Dudy Pilianto, S.Pd., M.I.P., netelakeun ieu kagiatan salasahiji bukti rasa solidaritas keluarga besar Kodim 0617/Majalengka dina ngarojong program kamanusiaan, sumbangsih ka sasama.
"Ieu kagiatan salasawios buktos rasa solidaritas keluarga besar Kodim 1203/Ktp dina ngarojong program kemanusiaan, masihan sumbangsih ka sasama," ceuk Dandim 0617/Majalengka
Salasahiji manfaat donor darah keur ngalancarkeun aliran darah nepi ka nyegah penyumbatan arteri. Rajin ngadonorkeun darah kira-kira mampuh nurunkeun risiko serangan jantung nepi 88 persen.
"Sanes cekap kitu wae, ngadonorkeun darah oge tiasa ngaminimalkeun risiko kanker, stroke, oge serangan jantung. Anu matak helokna deui, manfaat donor darah oge tiasa ngadamel kadar zat besi dina darah janten stabil," ceuk Dudy Pilianto.
"Sakeclak getih kawilang luhur ajenna kangge nu meryogikeun. Hayu urang sasarengan ngadonorkeun darah urang kangge aranjeunna," ceuk Letkol Inf Dudy Pilianto, S.Pd., M.I.P.
*** Ayank R Sambara
