GALURA.CO.ID - PPK Talaga, Kabupaten Majalengka rengse ngalaksanakeun rapat pleno perhitungan suara. Satuluyna kotak soara digeser ka gudang logistik KPU Kabupaten Majalengka, Kemis (22/2/2024) peuting tur dikawal rekep ti personel 1704/Talaga, personel Polsek Talaga jeung Satpol PP Talaga.
Dandim 0617/Majalengka Letkol Inf Dudy Pilianto, S.Pd., M.I.P., ditepikeun ku Danramil 1704/Talaga, Kapten Inf Subagio nyebutkeun, rapat pleno di PPK Kecamatan lumangsung kalayan aman tur kondusif.
"Kotak soara langsung digeser ka gudang logistik KPU kalayan pengawalan rekep TNI-Polri katut Satpol PP Kecamatan Talaga," ceuk Subagio.
Inyana netelakeun objek pangawalan logistik pemilu, dokumen penting Nagara. Ku kituna, dina palaksanaanana, tugas pangawalan kudu bener-bener dijaga kalayan pinuh tanggung jawab.
Ditambahkeun Kapten Inf Subagyo, salain ti TNI-Polri pangawalan oge dilaksanakeun ku Satpol PP jeung PPK, di mana kotak soara diangkut ngagunakeun mobil box tur dikawal ngagunakan sapedah motor.
"Pangawalan dilaksanakeun kangge nangtoskeun kaamanan sarta kotak soara hasil pleno PPK salami proses pergeseran ka gudang logistik KPU Kabupaten Majalengka teu kaganggu," ceuk Kapten Inf Subagyo.*** Ayank R Sambara