Network
GALURA.CO.ID -Rengse ngitung sora Pemilu 2024 di TPS tiap-tiap desa di Kecamatan Sumberjaya jeung Kecamatan Palasah, kotak suara nu eusina surat suara jeung sajabana satuluyna dikirim ti tingkat PPS ka tingkat PPK dikawal ku TNI-Polri.
Koramil 1711 Sumberjaya bareng Polsek Sumberjaya jeung Polsek Palasah komitmen pikeun ngawal satiap tahapan Pemilu 2024 di wilayah Kecamatan Sumberjaya katut Kecamatan Palasah, Kabupaten Majalengka.
Saperti nu dilaksanakeun ku Babinsa Koramil 1711 Sumberjaya bareng jeung Bhabinkamtibmas ngalaksanakeun pangamanan oge pangawalan kotak suara ti TPS ka kantor PPK di wilayah Kecamatan Sumberjaya jeung Kecamatan Palasah, Kemis (15/2/2024).
Baca Juga: Real Count KPU, di Majalengka, PDI Perjuangan Unggul 17,6 Persen
Dandim 0617 Majalengka Letkol Inf Dudy Pilianto, S.Pd., M.I.P., ditepikeun ku Danramil 1711Sumberjaya, netelakeun anggotana bakal tuluy ngalaksanakeun pangamanan jeung pangawalan kotak suara nu diangkut ti desa ka PPK.
“Diparentahkeun ka sadaya anggota nu kalibet pangamanan di TPS kanggo ngawal kotak suara Pemilu 2024 ti PPS ka PPK,” ceuk Kapten Inf Iyus Ibnu Khajar.
“Pangamanan katut pangawalan dilaksanakeun kangge nyinglar kajantenan gangguan kaamanan sarta matiskeun kotak suara dugi ka PPK kalayan aman, lancar oge kondisina hade,” ceuk Iyus Ibnu Khajar.*** Ayank R Sambara
