Network
GALURA.CO.ID -Ketua PPK Kecamatan Margahayu Kabupaten Bandung, Tidzar Dzakarulloh mastikeun proses rekapitulasii hasil Pemilu 2024 tingkat Kecamatan Margahayu lumangsung kondusif, jujur, adil jeung transparan.
Kituna tèh ditepikeun Tidzar Dzakarulloh dina lolongkrang rekapitulasi hasil Pemilu 2024 tingkat Kecamatan Margahayu di Gedung Serbaguna Desa Sayati Komplek Permata Kopo RT 06 RW10, Kecamataan Margahayu, Kabupaten Bandung, Salasa, 20 Pebruari 2024.
Tidzar Dzakarulloh nètèlakeun, jadwal rekapitulasi ti KPU keur tingkat kecamatan lilana 5 poè. Kaitung ti tanggal 20 Pebruari tepi ka rèngsè. Di Kecamatan Margahayu jumlah TPS aya 356, kotak suara 1.780.
Baca Juga: Amanat Kapolsek Margahayu dina Rekapitulasi Hasil Pemilu 2024, Ulah Capè Teuing
"Di Kecamatan Margahayu rekapitulasi ku metode 2 panel. Ngawitan ti Desa Sukamenak sareng Kelurahan Sulaiman, " ceuk Tidzar..
Kana amanatna Kapolsek Margahayu, Kompol Rizal Adam Al Hasan Ahmad Sopian, sangkan jadwal rekapitulasi diatur supagi teu morsir tanaga, ceuk Tizdar pihakna nyokot kaputusan dumasar kasapukan sarèrèa.
"Intina, dumasar kaputusan sarung kasapukan sakumna seteakholder nu aya di lebetna. Perkawis waktos ningal kaayaan, ku margi saksi ogè maksimal nu lebet ukur dua urang ti parpol pamilon Pemilu, " ceuk Tizdar.*** Sopandi
