Network
GALURA.CO.ID -Rekapitulasi hasil Pemilu 2024 tingkat Kecamatan Margahayu digelar di Gedung Serbaguna Desa Sayati Komplek Permata Kopo RT 06 RW10 Kecamatan Margahayu Kabupaten Bandung, Salasa, 20 Pebruari 2024.
Keur pangamanan rekapitulasi ceuk Kapolsek Margahayu, Kompol Rizal Adam Al Hasan Ahmad Sopian, diturunkeun 4 personil ti Polsek Margahayu, 2 pesonil ti Koramil 2415, ti Satpol PP jeung ti Linmas Kecamatan Margahayu. Ngaubkeun PPK jeung Panwaslu Kecamatan Margahayu.
Kompol Rizal nyebutkeun, ti proses pencoblosan tepi ka danget ieu lumangsung aman tur lancar. Inyana cumeluk, salila proses rekapitulasi, warga nu teu boga kaperluan kana ieu rekapitulasi sangkan teu ngaronyok teuing, pikeun nyinglar kahalanganana mobilitas warga di sabudeureun.
Luyu agenda ti KPU, proses rekapitukasi salila 5 poè. Kompol Rizal amanat sangkan palaksanaan rekapitulasi ngatur waktu sangkan teu diforsil teuing tanaga.
"Tadi tos diintruksikeun ka panitia, supados didamel jadwal dugi ka palaksanaanana lumangsung tartib. Teu kedah dimaksimalkeun dugi ka sadintenna dugi ka wengi. Karunya, kumargi anggota ogè tangtos perlu waktos istirahat, " pokna.*** Sopandi
