GALURA-Yayan Risdianto (48), anggota KPPS TPS 16 Kelurahan Cijoho, Kecamatan Kuningan, Kabupatén Kuningan, tilar dunya, Jumaah 16 Fébruari 2024, peuting.
Inyana tilar dunya, saréatna diduga kacapéan mancén dina poéan pencoblosan suara, Rebo, 14 Fébruari 2024.
Enya, réa kabéjakeun anggota KPPS di luar daérah anu gering alatan kacapéan.
Penjabat Bupati Kuningan, Iip Hidajat, diréncangan ku garwa Hj. Susi Widyawati, ngalayad ka bumina kulawarga.
Ceuk, Iip, dumasar laporan Yayan téh diduga kacapéan, salila ti mimiti kagiatan pencoblosan suara nepika penghitungan suara.
Dédi Magrib, tatangga Yayan, nyebutkeun saméméhna Yayan henteu kabéjakeun gering.
Saméméhna, kungsi dibawa ka salasahiji rumah sakit, tapi basa anjog ka Rumah sakit Yayan geus maot.
"Sim kuring pamaréntah daérah, ngiring bela sungkawa, mugi almarhum janten ahli surga.," ceuk Iip.
Santunan
Kulawarga Yayan, baris nampa santunan anu badagnaRp 42 juta ti Pemkab Kuningan.