Network
GALURA.CO.ID -Pangurus anyar masa bakti 2023-2028 Himpunan Pendidik dan Tenaga Kependidikan Anak Usia Dini Indonesia (Himpaudi) Kabupaten Ciamis diistrennan, Rebo, 31 Januari 2024, di Gedong PKK Ciamis. Diluuhan ku Bunda PAUD Kabupaten Ciamis, Hj. Kania Ernawati Herdiat
Hj. Kania Ernawati Herdiat, dina sambutanana netelakeun Himpaudi Kabupaten Ciamis teh organisasi nu strategis dina ngawadahan aspirasi jeung ngaronjatkeun profesionalitas pendidik jeung tenaga kependidikan anak usia dini di Kabupaten Ciamis.
“Simkuring miharep sakumna pangurus Himpaudi di Kabupaten Ciamis, boh di tingkat pangurus daerah atanapi kabupaten, boh di tingkat kacamatan tiasa sinergi sareng tiasa janten mitra kerja dina ngaronjatkeun APK (Angka Partisipasi Kasar) di Kabupaten Ciamis,” pokna.
Baca Juga: Ceuk Beja, Ketua DPRD Ciamis, Nanang Permana, Rek Makalangan dina Pilkada 27 Novemver 2024
Ceuk Hj Kania dumasar data ti Pusdatin Kemdikbudristek APK PAUD Kabupaten Ciamis taun 2022 jumlahna 27,16%. Taun 2023 naek jadi 32,07%. Masih keneh handap mun dibandingkeun APK Provinsi Jawa Barat nu taun 2023 ngahontal 45,68%.
Tina kituna Hj. Kania umajak ka sakumna anggota Himpaudi Kabupaten Ciamis aub dina ngaronjatkeun APK PAUD, babakuna ngageuing sangkan sakur nu boga anak usia dini nyakolakeun anakna ka PAUD. ***
