Network
GALURA-Rea potensi wisata di wewengkon Kabupaten Kuningan, boh wisata alam boh potensi wisata budaya anu bisa mincut wisatawan.
"Eta modal pikeun mekarkeun industri pariwisata kahareupna," ceuk Penjabat Bupati Kuningan, Iip Hidajat.
Iip nyebutkeun eta hal, dina acara
Forum Konsultasi Publik RPJPD (Rencana Pembangunan Jangka Panjang Daerah) Kabupaten Kuningan Taun 2025-2045, di Aula Bappeda Kabupaten Kuningan, Senen, (18/12/2023).
Ku sabab kitu, ceuk Iip, sektor pariwisata diguratkeun dina ngararancang pangwangunan taun 2025-2045, anu disebut Rencana Pembangunan Jangka Panjang (RPJP) tea.
Sektor pariwisata aya dina urutan opat tina lima anu aya dina RPJP 2025-2045 nyaeta Mewujudkan Pariwisata Yang Berkelanjutan Berbasis Kelestarian Alam.
Pikeun masarakat Kabupaten Kuningan, kakayaan wisata kasebut minangka anugrah anu maha kawasa.
" Alam Kuningan anu endah, cai cur cor, hawana seger modal mekarkeun pariwisata anu nyoko kana kalestarian alam," ceuk Iip.***
