GALURA.CO.ID –Kuwu atawa Kepala Desa Sinarjati, Kecamatan Dawuan, Kabupaten Majalengka, Carman, di Bale Desa Sinarjati, Kemis, 7 September 2023 ngistrenan 10 perangkat Desa Sinarjati nu anyar.
Diluuhan ku Camat Dawuan jeung para setapna, Kapolsek Dawuan, Babinsa, Ketua BPD, LPM, tokoh masyarakat, ketua RT, ketua RW jeung para tamu undangan liana.
Perangkat anyar Desa Sinarjati diistrenan jeung disumpah jabatan lumangsung dina kaayaan daria. Kitu deui nu nyaksianana.
Baca Juga: Senen Kamari, Bupati Bandung Ujug-Ujug Sidak ka Bapenda
Perangkat anyar Desa Sinarjati anu diistrenan:
- 1.Rikrik Ahmad Setiawan SH, Sekdes
- Ita suntara, Kaur Tata Usaha dan Umum
- 3.Ei Aneri, S.Ak, Kaur Keuangan
- Dewi Sulastri, Kasi Perencanaan
- Mochamad Jaelani, Kasi Kesejahteraan
- Aca Santosa, Kasi Pelayanan
- Juna Atmaja,. Kasi Pemerintahan
- Fuad Anwar Ibrahim, Kepala Dusun 1
- Reno Karyana, Kepala Dusun 2
- Abdul Azis, Kepala Dusun 3
Dina pangabegana, Carman ka perangkat Desa Sinarjati nu anyar diistrenan miharep sing bener-bener migawe tugasna kalayan rancage, ngutamakeun pangladen ka masyarakat luyu jeung tupoksina nu geus di atur dina undang- undang.
Lian to eta ulah leupas ti koordinasi, konsultasi mun seug aya masalah di lapangan. “Urang katitipan amanah, jadi pelayan masyarakat. Babakuna kepala dusun kudu leuwih deukeut jeung masarakat, lir kuwu leutik nu mancen di sabaraha RT jeung RW.
“Ka sadaya warga Desa Sinarjati, simkuring nyuhunkeun do’ana supados simkuring bisa ngemban amanah tur ngalaksanakeun tugas luyu jeung tupoksina sarta miharep ngawujudkeun aspirasi dina skala priolitas pikeun ngawujudkeun warga Desa Sinarjati nu lohjinawi,” pokna.*** Didi R