Network
GALURA - Nyanghareupan Pemilu 2024, Komisi Pemilihan Umum Daerah Majalengka (KPUD Majalengka) Jumaah 3 Maret 2023 nyeleksi 147 urang calon tenaga pendukung PPK (Panitia Pemilihan Kecamatan). Cenah mah proses seleksina transparan, taya titipan-titipan.
Ketua KPUD Majalengka, Agus Syuhada, nyebutkeun saha wae bisa miluan seleksi calon tenaga pendukung PPK. Syaratna mibanda kapabilitas, mibanda kompetensi keur jadi tenaga pendukung dina ngabantuan tugas PPK.
Tina 147 nu daftar, ku KPUD Majalengka diayak sarta nu lulus seleksi administrasi 75 urang, langsung diumumkeun dina situs https://www. kabdesk-Majalengka.kpu.go.id.
Baca Juga: Milangkala ka-50 KSPSI, Door Prize Motor 2 ti Bupati Majalengka
Ti dinya diayak deui ku cara diwawancara (6-7 Maret). Nu teu lolos seleksi wawancara aya 18 urang. KPUD Majalengka merelukeun tenaga pendukung PPK 52 urang nu engkena didistribusikeun di unggal PPK di Kabupaten Majalengka.
Ceuk Agus, taun 2019 tenaga pendukung ukur keur ditempatkeun di kantor KPUD Majalengka, jumlahna 20 urang. “Kiwari tenaga pendukung oge ditempatkeun di sekertariatan PPK,” pokna. *** Ayank R Sambara
