Network
GALURA - Anggota Komisi D DPD Kabupaten Bandung ti Fraksi PKB Uya Mulyana narima bangbaluh warga Desa Sukamenak, Kecamatan Margahayu, Kabupaten Bandung, ngeunaan sistem Penerimaan Peserta Didik Baru (PPDB).
Éta bangbaluh warga tèh ditarima dina acara reses nu digelar di aula Desa Sukamenak, Kecamatan Margahayu, Kabupaten Bandung, peuting tadi.
"Di saban daérah, pasualan PPDB aya waè. Warga ngangkuhkeun sistem zonasi, margi sok seueur murangkalih nu badè lebet ka SMP Negeri nu caket ti lembur teu kabagèan kuota, " ceuk H. Uya ka Galura sarèngsè reses.
Inyana nyarankeun ka warga pikeun makè jalur SKTM (surat keterangan tidak mampu) asal enya teu mampuh, mun tina jalur prestasi teu boga.
"Mayunan ieu pasualan, simkuring saparakanca ti Komisi D badè nyawalakeun sareng Dinas Pendidikan sangkan aya bongbolongan kanggo nu teu tiasa lebet ka sakola negeri liwat zonasi, préstasi, kitu deui SKTM, padahal enya-enya teu mampuh, " ceuk Uya.***
